"Зялёны інтэрнэт" ці "лічбавая зялёная прамыўка мазгоў"?
“Зялёны клуб” запрашае на семінар-дыскусію, прысвечаны "лічабаваму грынвошынгу" з лічбавым актывістам-мастаком з Аўстрыі Давідам Бевілаква.
Семінар закранае наступныя тэмы: інтэрнэт-даследаванні, «лічбавы грынвошинг» ( ці "лічбавая зялёная прамыўка мазгоў"), устойлівая інфраструктура і «зялёныя» базы дадзеных.
Структура семінара дазваляе актывістам і актывісткам абмяняцца досведам і зрабіць некалькі простых практыкаванняў у вобласці лічбавых даследаванняў. Досвед праграмавання не патрэбны.
Семінар пачнецца 29 жніўня ў 18 гадзін непадалёк ад станцыі метро “Плошча перамогі”. Калі вы хочаце далучыцца, калі ласка, запоўніце кароткую форму рэгістрацыі і мы паведамім вам дакладне месца правядзення. Спяшайцеся, колькасць удзельніц-каў абмежаваная.
Семінар будзе доўжыцца каля 2 гадзін, улічваючы невялікі перапынак.
Што такое «лічбавы грынвошинг» ?
Семінар заснаваны на канцэпцыі «зялёнага інтэрнэту» і ў цэлым скіраваны на разкыццё панятку «лічбавы гринвошынг», а таксама абмеркаванне сучасных формаў яго праяваў ў інтэрнэце.
Цягам апошніх 5 гадоў экалагічныя НГО, у тым ліку «Грынпіс», пачалі збіраць статыстыку і справаздачы пра ўплыў нанавакольнае асяроддзе найбуйных інтэрнэт-карпарацый - Apple, Facebook, Google, Netflix ... – і паспрыялі таму, каб цэнтры апрацоўкі дадзеных гэтых кампаній атрымвалі энергію з узнаўляльных крыніц энергіі.
Facebook, Amazon і іншыя кампаніі з запалам адгукнуліся на прапанову і распрацавалі стратэгію пераходу на 100%-аевыкарыстанне энергіі з узнаўляльных крыніц.
Ці абышлася гэта перамога актывістаў і эколагаў без ахвяр?
Наступствы раптоўнай змены курса кампаній на «зялёны» пачалі выяўляцца, калі яшчэ нядаўна крытыкаваныя «зялёныя капіталісты» пачалі запуск сваёй новай маркетынгавай стратэгіі, каб заявіць пра «выдатныя навіны». Мэта іхмаркетынгавай кампаніі: пераканаць карыстачоў і кліентаў, што інвеставанне ў іх паслугі, (а не канкурэнтаў), было б «слушнай і найболей этычнай справай».
Калі новы рынак «зялёнай» энергетыкі і інтэлектуальных энергасістэм на парозе рэвалюцыі, «зялёны» колер выглядае найбольш выгодна сярод астатніх.
У наш час кампаніі спрабуюць скарыстаць гэты "колер" для павелічэння ўласнага прыбытку.
Мэтай семінара з'яўляецца асвятленне гэтых тым падчас серыі гутарак пра структуру Інтэрнэту, ролі буйных карпарацый, а таксама спосабах развіцця і праявы экалагічнай салідарнасці анлайн.
Для ўдзелу ў семінары просім узяць вашы ноўтбукі. Семінар будзе праводзіцца на ангельскай мове, пры патрэбе будземагчымасць перакладу на беларускую / расейскую.
Грынвошинг – экалагічнае пазіцыянаванне кампаніі ці тавару/паслугі без дастатковых для гэтага падстаў. Тэрмін «грынвошинг» паўстаў з камбінацыі ангельскіх словаў green (зялёны, экалагічны) і whitewashing (адбельванне рэпутацыі), г. зн. даслоўна – "зялёнае адмыванне", "зялёнае прамыванне мазгоў".
-------------------------------
Давід Бевілаква (IT / AT) - мастак і куратар, які працуе на мяжы медыя і сучаснага мастацтва, тэхналагічнай крытыкі і актывізму.
Яго цікавасць абапіраецца на мову тэхналагічнага развіцця і разуменне мастацкай выставы як «інтэрфейсу», працэснай прасторы для абмену.
Ён з'яўляецца часткай мастацкага калектыву qujOchÖ і з 2017 года з'яўляецца куратарам у servus.at.
Зараз Давыд знаходзіцца ў Мінску ў якасці мастака - рэзідэнта Галерэі сучаснага мастацтва «Ў» у рамках праекта CENTRAL & EASTERN EUROPE CALLING. Арганізатарамі выступаюць Цэнтр сучаснага мастацтва Rotor у Грацы і Галоўнае кіраванне па культуры Федэральнага міністэрства Аўстрыі.
----------------------------
“Зялёны клуб” - прастора для тых, хто цікавіцца Зялёнай палітычнай павесткай і хоча абмяркоўваць складаныя тэмы і актуальныя пытанні. Арганізаваны і Беларускімі маладымі Зялёнымі і Беларускай партыяй Зялёныя.