Актывіст Legalize Belarus Пётр Маркелаў быў даверанай асобай кандыдата ў дэпутаты і назіраў за выбарамі.

Ён быў затрыманы 17 лістапада на выбарчым участку №286 Паўднёва-Заходняй выбарчай акругі № 99, дзе ажыццяўляў назіранне за падлікам галасоў. Заўважыўшы фальсіфікацыю, ён стаў патрабаваць пераліку галасоў, спрабаваў весці фота і відэаздымку. Сябры выбарчай камісіі выклікалі міліцыю. 

Пазней Пятра  выклікалі ў суд, дзе прызналі вінаватым у парушэнні двух артыкулаў Кодэксу аб адміністрацыйных правапарушэннях: 17.1 (дробнае хуліганства), арт. 23.4 (непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў). Актывіст атрымаў 14 сутак арышту. 

Мы лічым гэты прысуд незаконным і патрабуем вызвалення  Пятра Маркелава і  аднаўлення ў ягоных правах.

Мы выказваем салідарнасць з Пятром і заклікаем усіх максімальна распаўсюдзіць гэтую інфармацыю, каб як мага больш людзей даведаліся аб гэтым. А таксама падтрымаць Пятра асабіста. 

Зрабіць гэта можна наступным чынам: 

Можаце напісаць ліст па наступнам адрасе: г. Мінск, завулак 1-й Акрэсціна, 36, Маркелаву Пятру Зміцеравічу.

Напісаць у асабістых паведамленнях яму ў Інстаграм: @konnikpahoni.