Актывіст БПЗ Яўген Герасіменка  прыняў удзел у практе Епрамова - пляцоўка для дыскусіі паміж грамадзянамі і партыямі аб тым, якой павінна быць Беларусь. Чарговай тэмай праекту стала праблема рэформы арміі.

У рамках палемікі мы публікуем артыкул сябра БПЗ Аляксандра Апарына,  які палемізуе з аднапартыйцам Віктарам Савічам, аўтарам тэксту “Альтэрнатыве – не!”

Не хацелася лезці у спрэчку, але не ўтрымаўся. А зараз амаль па Леніну - «вялікаму і жудаснаму» - прыйдзецца закатаць рукавы і «увязацца ў драчку».

Усё таму, што паднялася чарговая хваля абмеркавання цяперашняга становішча і мяркуемага лёсу беларускай арміі.Становішча, зразумела, цяпер незайздроснага, якое здаецца тым больш незайздросным таму, што ў вызначэнне яе далейшага лёсу выступаюць «эксперты», якія не маюць ніякага дачынення да войска, далёкія ад войска, і нават больш - абыякавыя да яго.