Зварот Гомельскай арганізацыі Беларускай партыі "Зялёныя" наконт стану возера Чырвонае.
 

У Жыткавіцкім раёне Гомельскай вобласці размяшчаецца адно з самых буйных азёр у нашай краіне - возера Чырвонае. Больш яго па плошчы некалькі гадоў таму былі толькі фзёры Нарач і Асвейскае. Возера знаходзіцца ў басейне ракі Прыпяць, побач размешчаны аднайменны пасёлак Чырвонае, з насельніцтвам каля тысячы чалавек.

 

У пасёлку Чырвонае існуе завод па вытворчасці тарфяных брыкетаў, на якім працуе большасць працоўных жыхароў пасёлка. Таксама вядзецца торфаздабыча ва ўсёй прылеглай мясцовасці, у тым ліку каля возера. Для яе ажыццяўлення на працягу 40 гадоў, у раёне актыўна праводзілася меліярацыя балот.

Дзве апошнія зімы, якія былі практычна без снегу, і сухое летняе надвор'е, пасля саракагадовай меліярацыі нанеслі возера велізарную шкоду, істотна асушыўшы яго, і ператварыўшы некалі прыгожыя берага ў багністую мясцовасць.

Для рашэння мясцовай экалагічнай праблемы прапануем на некалькі гадоў спыніць меліярацыю ў дадзенай мясцовасці, да аднаўлення возера натуральным шляхам. Для працягу працы завода перанесці здабычу торфу ў іншую мясцовасць. У выпадку фінансавых страт прадпрыемства для працягу яго працы і выплаты зарплаты рабочым - субсідаваць дзяржавай гэты завод, як і многія іншыя стратныя прадпрыемствы.

Беларусь - край балот і азёр, лёгкія Еўропы. Страта возера Чырвонае  будзе катастрофай для беларускага Полессья. Заклікаем дзяржаўныя органы прыняць меры па захаванню возера, а экалагічныя арганізацыі падтрымаць наш зварот.