15-17-га мая ў Заграбе ( Харвація) адбылася сустрэча Еўрапейскай Партыі Зялёных (EGP), на якой прысутнічаў прадстаўнік БПЗ.

Традыцыйныя зборы дэлегатаў партый Зялёных з розных кран Еўропы на гэты раз перш  за ўсё былі павінны закончыць працэс фармавання выканаўчых органаў EGP.

Таксама былі прыняты шэраг рэзалюцый, у тым ліку ў падтрымку грамадзянскай супольнасці ў Расеі.   

У  рамках мерапрыемства прайшлі кансультацыі прадстаўнікоў партый Зялёных з розных краін.  Так сярод іншага дасягнута прынцыпіальная згода наконт сустрэчы ўлетку прадстаўнікоў экалагічных партый СНД у Малдове для абмеркавання агульнай пазіцыі.

Польскія Зялёныя, якія рыхтуюца да восеньскіх выбараў ў Сейм, падтрымалі ініцыятыву БПЗ правесці падчас кампаніі ва ўсходніх ваевадствах Польшчы супольныя з беларускамі эколагамі акцыі супраць візавага рэжыму на польска-беларускай мяжы.  

БПЗ працягнула кансультацыі наконт атрымання  паўнавартаснага сяброўства ў Еўрапейскай Партыі Зялёных.