Беларуская Партыя Зялёных (БПЗ) выказвае занепакоенасць з-за праблемаў, якія ўзніклі ў працы кнігаргі “Галіафы”, што дзейнічае пры аднайменным выдавецтве.

Як стала вядома ад 28-га ліпеня кнігарня зачыненая. Нагодай для закрыцця кнігарні сталі патрабаванні новай рэдакцыі закона «Аб гандлі», якая ўступіла ў сілу 22 ліпеня. Паводле ёй будынак, у якім месціцца кнігарня, павінен быць аформлены ў якасці гандлёвага аб'екта. Па словах кіраўніцва ёсць надзея, што напачатку верасня ўласнік пэўным чынам аформіць дакументы і кнігарня зноў запрацуе.

У сувязі з гэтым Зялёныя заклікаюць адпаведныя дзяржаўныя ўстановы зрабіць усё для таго, каб праект “Галіафы” хутчэй аднавіў працу ў поўным аб'ёме. Выдавецтва і кнігарня адыграваюць вельмі важную ролю ў падтрымцы творчых ініцыятыў, якія ёсць адным з гарантаў і фактараў развіцця грамадскай думкі ў краіне. Кнігарня "Галіяфы" зрабілася ўнікальнай пляцоўкай для шматлікіх культурных імпрэзаў, творчых дэбатаў, сустрэчаў прадстаўнікоў багемы і г.д. Таксама важна адзначыць, што “Галіафы” як ніводнае іншае выдавецтва дапамагае выдаваць экалагічную літаратуру.

 Зялёныя ўпэўненыя - ліквідацыя кнігарні “Галіафы” пазбавіць Мінск аднаго з базавых элементаў іміджу сапраўднай еўрапейскай сталіцы.