Дзмітрый Кучук і Зміцер Вішнёў – прадпрымальнікі , сябры Беларускай Партыі Зялёных  распавялі інтэрнет-выданню ecoidea.by якое месца займае у іх жыцці і працы веласіпед.

Дзмітрый Кучук, дырэктар смеццесартавальнай станцыі «Заходняя»: - Я часта падарожнічаю па Еўрасаюзу і бачу, як дзелавыя людзі, кіраўнікі кампаній і палітыкі, цалкам вольна перамяшчаюцца на роварах па горадзе замест аўтамабіляў. Мне гэта было дзіўна, і я вырашыў паспрабаваць. І зацягнула.  Паездкі на ровары робяць мяне бадзёрым і дазваляюць трымаць цела ў тонусе. На ровары зручней, чым на машыне перамяшчацца на невялікія адлегласці - кіламетраў на пяць-сем. Значыць, я эканомлю і час, і грошы, і паліва.  Бывае, прыязджаеш на перамовы на ровары - на цябе глядзяць коса. Мне здаецца, гэта перажытак мінулага: у пачатку 90-х аўтамабіль паказваў статус чалавека. Усё вельмі змянілася цяпер - Еўропа таму прыклад ..”.

Зміцер Вішнёў, дырэктар выдавецтва «Галіяфы»:

– Колькі памятаю сябе, меў ровар. Заўжды ездзіў шмат, сёння, на жаль, значна менш. На працу дабіраюся на метро, бо зручней. На ровары часцей езджу ў майстэрню, дзе пішу карціны. Увогуле я як сябра партыі зялёных лічу, што гэта самы экалагічны від транспарту і за ім будучыня. Безумоўна, ровар значны лепшы за машыну варыянт. Мне падаецца, між іншым, што беларусы яшчэ не гатовыя ездзіць на дзелавыя сустрэчы на ровары…

Арыгінал матэрыялу тут: http://ecoidea.by/archives/7498