Беларуская партыя зялёных (БПЗ) прапануе беларусам, у якіх ёсць знаёмыя або сваякі - грамадзяне краін Еўрасаюза  нагадаць ім аб неабходнасці прыняць удзел у выбарах у Еўрапарламент.

Выбары ў Еўрапарламент адбудуцца 25- га мая. Жыхарам ЕС трэба будзе абраць дэпутатаў чарговага склікання Еўрапейскага парламента. Ад яўкі і вынікаў галасавання залежыць не толькі перспектыва еўперайскай інтэграцыі, але і будучыня краін - суседзяў ЕС, у тым ліку і Беларусі.

У сувязі з гэтым прапануем Вам таксама звярнуць увагу вашых еўрапейскіх сяброў і сваякоў на выбарчую праграму і кандыдатаў ад партый, якія ўваходзяць у Еўрапейскую Партыю Зялёных (ЕПЗ).

Галоўныя пункты праграмы ЕПЗ - абарона сацыяльных правоў еўрапейцаў , дэмакратызацыя еўрапейскіх інстытутаў, развіццё альтэрнатыўнай энергетыкі.

Акрамя таго ЕПЗ найбольш паслядоўна на фоне іншых еўрапейскіх партыйных структур займаецца «беларускім пытаннем». У прыватнасці Зялёныя
выступаюць за адмену візавага рэжыму паміж ЕС і РБ , аказваюць дапамогу грамадзянскаму руху ў Беларусі, крытыкуюць праект будаўніцтва БелАЭС .

У выпадку масавай падтрымкі кандыдатаў ад ЕПЗ на выбарах, усё ініцыятывы Еўразялёных могуць быць рэалізаваныя новым кіраўніцтвам Еўрасаюза.