У Белградзе (Сербія) адбылася сутрэча дэлегатаў удзельнікаў праекту “Сець за Кааперацыю і Развіццё” (CDN) – структура створаная пры Еўрапейскай Федэрацыі Маладых Зялёных для працы з маладымі эколагамі Ўсходняй Еўропы.

Сетка была заснаваная яшчэ ў 2002-ім годзе, каб праз праз адукацыйныя семінары і абмены дапамагчы маладым Зялёным ў краінах, якія не ўваходзяць у склад ЕС. Асноўнай задачай дзейнасці CDN  з’яўляецца папулярызацыя зялёнай ідыялогіі ў маладзёвых колах.

Па выніках паседжання ў Белградзе сфармаваны новы выканкам арганізацыі у склад якога ўвайшоў таксама Артур Бондараў, адзін ў лідараў ініцыятывы “Зялёныя Генерацыя” – маладзёвая секцыя Беларускай Партыі Зялёных (БПЗ).

Па словах Артура галоўнымі накірункамі яго дзейнасці на пасту аднаго з кіраўнікоў CDN стане развіццё сталага супрацоўніцтва паміж маладымі Зялёнымі Беларусі, Малдовы, Расеі, Украіны, Грузіі і Арменіі.

Прэс-служба Беларускай Партыі Зялёных