З 29 –га жніўня па 1-ае верасня ў Літве прайшоў лагер экакалагічных актывістаў - Зялёная Акадэмія, адным з арганізатараў якога з'яўляецца Беларускай Партыя Зялёных (БПЗ).

Зялёная Акадэмія арыентавана на маладых людзей, якія працуюць або нейкім чынам звязаныя з экалагічнымі і праваабарончымі моладзевымі арганізацыямі (НДА, партыямі, рухамі, ініцыятывамі), цікавяцца зялёнымі ідэямі. Першая Зялёная Акадэмія прайшла год назад ва Украіне.

Галоўная мэта Акадэміі - паспрабаваць знайсці адказы на важныя пытанні сучаснасці, якія тычацца альтэрнатыўнай энергетыкі, развіцця зялёнага палітычнага руху, веласіпеднага руху, зялёнай урбаністыкі, барацьбы з дыскрымінацыяй і г.д..

 У другой Зялёнай Акадэміі прынялі ўдзел 26 чалавек з Беларусі, Расеі, Швецыі і Польшчы. Падчас летніка адбылася прэзентацыя шэрагу экалагічных, сацыяльных і культурных праектаў, якія аб'ядноўваюць намаганні «Зялёных» з Беларусі, Расіі і Украіны.

 Па словах аднаго з беларускіх удзельнікаў Акадэміі “Удзельнікі гадовай Зялёнай акадэміі за час яе правядзення набраліся пазітыву і добрага настрою, і з'язджалі да дому поўнымі новых зялёных ідэй. Атрыманы вопыт будзе карысны пры правядзенні лакальных экалагічных акцый і прасоўвання зялёных ідэй у масы”.

 Прэс-служба Беларускай Партыі Зялёных