Запрашаем  да ўдзелу ў публічнай дыскусіі на тэму:"Ці можа энергетыка быць зялёнай? Вопыт Германіі, перспектывы Беларусі".

27 лістапада 2012 гады, у 18.00 (17.30 - пачатак рэгістрацыі) пр. Незалежнасці, 37а, г. Мінск, Галерэя сучаснага мастацтва "Ў".

Германія - адна з краін з высокаразвітай эканомікай, якая паставіла перад сабой амбіцыйную мэту: зрабіць сваю энергетыку экалагічнай за кошт выкарыстання ўзнаўляльных рэсурсаў і поўнай адмовы ад атамнай энергетыкі.

Новая энергетычная палітыка была прынята ў ФРГ  ў 2011 году пасля радыяцыйнай катастрофы на японскай АЭС "Фукусіма-1". Рашэнне пра адмову ад АЭС было выклікана масавымі пратэстамі, крытычнымі дыскусіямі на розных узроўнях, якія прадаставілі праўдзівую інфармацыю пра наступствы Фукусімскай аварыі і рызыках атамнай энергетыкі.

Як Германія перажыла зіму без дзевяці атамных электрастанцый? Ці было рашэнне пра адмову ад атамнай энергетыкі чыста палітычным або яно засноўвалася на эканамічных і экалагічных перадумовах? Ці праводзіла Германія эканамічнае абгрунтаванне сваёй новай энергетычнай палітыкі? Ці будзе гэта краіна сутыкацца з дэфіцытам энергіі падчас пераходу да ўзнаўляльнай энергетыкі? Якіх поспехаў дасягнула Германія за апошнія гады ў экалагізацыі сваёй энергетыкі?

Энергетычная палітыка Беларусі ў апошнія гады з'яўляецца аб'ектам крытыкі эколагаў. Ці магчымая яе экалагізацыя? Які магла б быць энергетыка Беларусі ў 2050-м году?

Як грамадскасць, палітыкі і эксперты ўплываюць на змену і рэалізацыю энергетычнай палітыкі ў Германіі? Якім бачыць беларуская грамадскасць свой уплыў на энергетычную палітыку ў Беларусі?

Гэтыя і іншыя пытанні мы будзем абмяркоўваць з нашымі экспертамі і гасцямі.

Тобіас Мюнхмейер, прадстаўнік Грінпіс, Берлін, ФРГ: "Поспехі і праблемы экалагізацыі энергетыкі Германіі. Германія без АЭС"..

Ева Буллінг-Шретер, дэпутат нямецкага парламента, сябра фракцыі Зялёных Германіі, старшыня Камітэта нямецкага парламента па пытаннях навакольнага асяроддзя, абароны прыроды і радыёактыўнай бяспекі: "Роля нямецкіх палітыкаў і грамадскасці ў распрацоўцы і прыняцці новай энергетычнай стратэгіі Германіі. Праблемы выйсця з атамнага тупіку".

Гуннар Бойе Олесен, Міжнародная сетка па ўстойлівай энергетыцы (International Network for Sustainable Energy), Данія: "Vision-2050: рэальная альтэрнатыва развіцця энергетыкі Беларусі".

Дмітрый Кучук, намеснік старшыні Беларускай партыі "Зялёныя": "Асноўныя супярэчнасці сучаснай энергетычнай палітыкі Беларусі. Праблемы і ўмовы экалагізацыі і дэмакратызацыі энергетычнай галіны".

Прэс-служба Беларускай Партыі Зяленых