Агенцтва БелАПАН піша пра гомельскага сябру БПЗ Аляксандра Снітко, які накіраваў па электроннай пошце зварот прэзідэнту ЗША Бараку Обаме і ў пасольства ЗША ў Беларусі з просьбай памілаваць індзейскага правадыра Леанарда Пелтіера.
У звароце да Обаме гамяльчанін нагадвае, што ў ЗША існуе традыцыя, адпаведна якой прэзідэнт у канцыс кадэнцыі падпісвае дакумент пра памілаванне адной асобы, асуджанай на пажыццёвае зняволенне.
Аўтар лісту ў Белы Дом звяртае ўвагу на тое, што напачатку 2013 года спаўняецца 40 год узброенага выступу індзейцаў ў месце Вундед-ні. Па яго словах “па заканчэннцю інцыдэнту паліцэйская машына ЗША абрынула ўсю моц свайго рэпрэсіўна-карнага апарата на кіраўнікоў паўстання і актывістаў індзейскага руху. Адной з ахвяр той расправы стаў Леанард Пелтіер”.
Аляксандр Снітко лічыць, што Пелтіер не злачынец, а ахвяра дзяржавы ЗША, якая адпомсціла на яго прыкладзе ўсім індзейцам, што адважыліся подать голас пратэсту. Праваабарончыя арганізацыі, дзеячы культуры, палітыкі і грамадскія дзеячы падвяргаюць сумневу абгрунтаванасць і справядлівасць прысуду Пелтіеру.
"І вось зараз ёсць шанец здзейсніць учынак і заслужыць падзяку тысяч і тысяч людзей на розных кантынентах, усіх тых, хто спагадае драматычнаму лёсу індзейцаў, у вас у руках", - заклікае Обаму аўтар паслання.
Аляксандр Снітко таксама ўзгадаў, што яшчэ напачатку 1980-х удзельнічаў у акцыі салідарнасці з індзейскім актывістам, якую праводзілі ў СССР.