5 кастрычніка 2012 г. ў адным з мінскіх клубаў адбылося урачыстае адкрыццё V Мінскага гей-прайда. Тут жа была арганізавана адпаведная фота-выстава і вечарынка «Apagay of Minsk Pride».Пра акцыю разважае Аляксандр Лагуцёнак, сябра ЦС БПЗ.
Гей-прайд – фестываль і шэсце, якое павінна дэманстраваць павагу ды правоў усіх грамадзянаў, незалежна ад іх сэксуальнай арыентацыі і гендэрнай прыналежнасьці. Першы гей-прайд адбыўся Ў Нью-Ерку ў 1970 годзн. Цяпер шмат у якіх краінах сьвету гей-прайд стаў шматлюдным сьвятам агульначалавечага гонару і годнасьці. На гей-прайды ў Бэрліне, Стакгольме, Сан-Паўлу, Сан-Францыска і іншых гарадах зьяжджаюцца сотні тысяч чалавек.
У рамках Мінскага гей-прайда пройдуць розныя мерапрыемствы: канферэнцыя, выставы, навучальныя, праваабарончыя трэнінгі, семінары, канцэрт. Арганізатары таксама падалі заяўку на правядзенне шэсця ў абарону правоў сэксуальных меьншасцяў. Але надзей, што гарадскія ўлады ўхваляць гэтую заяўку ў арганізатараў і ўдзельнікаў гей-прайда, мала.
Беларуская партыя Зялёныя - адзіная палітычная партыя ў Беларусі, якая падтрымлівае і выступае за талерантнае стаўленне ды ўсіх людзей, ды кожнага і кожнай, ня гледзячы на іх погляды, сацыяльнае становішча, нацыянальнасць ці гендэрную прыналежнасць.
У кожным чалавеке трэба бачыць першы за ўсё чалавека, а не якой ен гендэрнай прыналежнасці. Кожны чалавек мае права выбіраць сабе такі жыццевы шлях, які яму хочацца, а не той, які яму пакажа грамадства ці дзяржава. Кожны чалавек шчаслівы па-свойму.
Ва ўсім цывілізаваным сьвеце прадстаўнікі сэксуальных меньшасцяў маюць роўныя правы з усімі астатнімі людзьмі. У шматлікіх краінах сьвету дазволены аднаполыя шлюбы. А Беларусь жа, знаходзячыся ў цэнтры Еўропы, з'яўлецца яркім прыкладам еўрапейскай краіны-гамафобкі. Ёсць нават шмат прыкладаў і фактаў прымянення сілы ў дачыненні дп прадстаўнікоў ЛГБТ-супольнасьці і людзей, якія ім дапамагаюць і выступаюць за раўнапраўе. Сорам І ганьба гамафобіі! Ніхто не выступае за тое, каб на сьвеце жылі толькі геі, лезбіянкі і транссэксуалы. Справа ідзе аба раўнапраўі ўсіх, кожнага і кожнай.
Прэс-служба Беларускай Партыи Зялёных