Сябра Цэнтральнага Савету Беларускай партыі Зялёныя Аляксандр Лагуцёнак разважае аб адсутнасці ўзаемасувязі паміж экалогіяй і фінансавымі інстытутамі на канкрэтным прыкладзе:
«5 жніўня ў Мінску павінна была адбыцца першая ў Беларусі паўнамасштабная акцыя па ачыстцы лесапаркавых зон, вадаёмаў, рэк і г.д. ад смецця пад назвай «Экапатруль». Акцыю планавалася правесці напярэдадні міжнароднага дня барацьбы супраць ядзернай зброі (6 жніўня) у 5 краінах СНД (Расія, Казахстан, Арменія, Таджыкістан, і, вядома, Беларусь). Падобныя, але нашмат меншага маштабу, акцыі арганізоўваў і падтрымліваў Еўразійскі Банк Развіцця. У гэтым годзе Банк вырашыў правесьці больш значнае па маштабах мерапрыемства.
З ідэй супрацоўніцтва да Беларускай партыі Зялёныя звярнуліся прадстаўнікі рухаў 350.org і Let's do it world. БПЗ, безумоўна, прыняло гэтую прапанову, і пачатала было ўжо рыхтавацца да правядзення акцыі.
Але калі справа дайшла да абмену інфармацыі і наладжвання супрацоўніцтва з прадстаўніцтвам Банка ў Беларусі, то ўсё і застапарылася. Прадстаўнікі Банка паведамілі, што «... Банк не працуе з палітычнымі структурамі». Усім, вядома, ясна і зразумела сапраўдная прычына адмовы супрацоўнічаць з адзінай партыяй Зялёных у Беларусі і экалагічным рухам: фінансавая каньюнктура і пазбяганне гаспадарчых і іншых праблем і цяжкасцяў, якія Банку могуць учыніць улады. І чым больш яны спажываюць, тым больш утворваецца адходаў. А гэта кладзецца цяжкім цяжарам на навакольнае асяроддзе і здароўе нацыі. Смецце можна і трэба прыбіраць кожны дзень, а не назапашваць тоны, каб затым праводзіць буйнамаштабныя піяр-акцыі фінансавых інстытутаў.»