У Чашніцкім раёне дзясяткам жывых птушанятаў баклана былі  адрэзаныя верхнія часткі дзюбы

Ёсць версія што гэта зрабілі паляўнічыя каб атрымаць грашовую ўзнагароду ад “Новалукомльскага” рыбгаса.  За суровае пакаранне злачынцаў у інтэрнэце падпісаліся больш за 7000 чалавек.

Падзеі, шакавальныя сваёй жорсткасцю, адбыліся ў мінулую суботу (16 чэрвеня). Дзесяткі маладых птушак з адрэзанымі наддзюб’ямі сядзелі на галінках дрэў у разбуранай змешанай калоніі баклана, шэрай і белай чаплі. Паводле ацэнак арнітолагаў, якія праводзілі даследванні і акальцоўвалі птушак,  літаральна за некалькі дзён да здарэння, колькасць баклана тут складала 150-200 пар. Многія гнёзда на гэтай калоніі размяшчаліся нізка, што дазволіла невядомым лёгка даставаць або стрэсваць птушанят з гнёздаў.

"Гэта беспрэцэндэнтны па сваёй жорсткасці выпадак. ", - паведаміла Ірына Самусенка, супрацоўнік Навукова-практычнага цэнтра па біарэсурсах Нацыянальнай акадэміі навук Беларусі

Па інфармацыі http://www.ptushki.org :” Штогод, рыбгасы Рэспублікі Беларусь ўсталёўваюць ўзнагароду за здабычу птушак, непажаданых для рыбнай гаспадаркі. У гэтым спісе фігуруюць 2 Рыбаядныя віды - вялікі баклан і шэрая чапля. Сума ўзнагароды вар'іруе, і можа дасягаць 50 тысяч рублёў. Пацвярджэннем здабычы з'яўляецца здадзенае надзюб’е  або лапкі жывёл”.

Побач знаходзіцца рыбгас «Новолукомльскі» ўчастак Чашніцкай ПМК-26. Магчыма, што адрэзаныя дзюбы прызначаліся для здачы менавіта на гэтым рыбгасе.
Насуперак неаднаразовым зваротам розных НДА Беларусі ў дзяржаўныя органы з прапановай аб выключэнні шэрай чаплі са спісу непажаданых відаў,  забароны  разбурэння жылых гнёздаў і здабычы бакланаў на тэрыторыі гнездавых калоній,  злачынствы  працягваюцца  і па сёняшні дзень.

У інтэрнэце разгорнуты сбор подпісаў да пракуратуры Віцебскай вобласці пад заклікам раследвання гэтай справы і прыцягення да адказнасці жывадзёраў што, адрэзалі дзюбы 100 птушанятам бакланаў.

Падпісацца пад зваротам можна тут:

Прэс-служба Беларускай партыі Зялёных