Гэты галоўнае экалагічнае свята, заснаванае Генеральнай Асамблеяй ААН у 1972 годзе.

Дата яго правядзення звязана з адкрыццём у гэты дзень Канферэнцыі ААН па навакольным асяроддзі. Канферэнцыя прыняла дэкларацыю, якая змяшчае 27 прынцыпаў), якімі павінны кіравацца ўсе дзяржавы ў сваёй дзейнасці, накіраванай на ахову навакольнага асяроддзя і рацыянальнае выкарыстанне прыродных рэсурсаў. У ёй упершыню было абвешчана, што ахова і аздараўленне навакольнага асяроддзя для цяперашніх і будучых пакаленняў з'яўляецца першаснай задачай чалавецтва. Сусветны дзень навакольнага асяроддзя заснаваны для таго, каб прыцягнуць увагу сусветнай грамадскасці да праблем аховы навакольнага асяроддзя, неабходнасці прыняцця практычных мер па прадухіленні глабальнага экалагічнага крызісу.

Менавіта ў гэты дзень рэспубліканскія органы дзяржаўнага кіравання, няўрадавыя арганізацыі, прыватныя асобы, супольнасці і моладзевыя групы, дзелавыя і прамысловыя колы, сродкі масавай інфармацыі арганізуюць акцыі, накіраваныя на паляпшэнне стану навакольнага асяроддзя.

Мы спадземся, што не толькі экалагічна заангажаваныя няўрадавыя арганіззацыі здольны ладзіць адмысловыя мерапрыемствы ў гэты дзень. Мы выказваем надзею на тое, што кожны з вас, паважаныя чытачы, мае мужнасць да падобных крокаў. Хочацца верыць, што вашая ініцыятыва не згасне і пасля.

Беларуская партыя “Зялёныя” шчыра  віншуе  са святам і жадае ўсім прыемнага наваколля і бяспечнай будучыні.

Прэс-служба Беларускай Партыі Зялёных