3-га чэрвеня Партыя Зяленых Квебека правяла маніфестацыю супраць закону, які абмяжоўвае права грамадзян на сходы.

Закон, як больш вядомы як закон 78, быў прыняты з ініцыятывы кіруючай у правінцыі Ліберальнай партыі у якасці адказу на студэнцкія вулічныя пратэсты, якія цягнуцца ўжо больш за сто дзён.

Студэнты патрабуюць, каб урад адмовіўся ад  ідэі павялічэння платы за вучобу ў ВНУ. Адпаведна статыстыкі сення з-за неабходнасці плаціць за адукацыю кожны студэнт ў Квебеку  пасля атрымання дыплома  мае ў пазыку перад банкамі памерам каля 15 000 канадскіх долараў (канадскі долар амаль роўны амерыканскаму). Павялічэнне платы яшчэ больш ускладніць сацыяльны стан маладых спецыялістаў і моладзі.

Яшчэ ў лютым на знак пратэсту супраць росту коштаў студэнты спынілі хадзіць на заняткі і пачалі праводзіць у самых буйных гарадах правінцыі дэманстрацыі, якія нярэдка якія перарасталі ў сутычкі з сіламі правапарадку. Тады ўлады прынялі надзвычайны закон N 78, які прадугледжвае суровыя штрафы ў стаўленні да ўдзельнікаў несанкцыянаваных акцый. На мінулым тыдні ў Квебеку падчас чарговых студэнцкіх выступаў паліцыя на падставе парушэння гэтага самага закона арыштавала звыш 700 дэманстрантаў.

На думку Зяленых Квебека закон 78 - "гэта закон, які не адпавядае прынцыпам грамадзянскіх свабод і пагражае канадскай дэмакратыі".

Для даведкі: Партыя Зяленых Квебека (PVQ) заснаваная ў 80-ых гадах мінулага стагоддзя. Яе асноўныя праграмныя мэты - базісная дэмакратыя і зялёная эканоміка. У сярэдніім на выбарах PVQ атрымлівае каля 10 працэнтаў галасоў, аднак за-за мажарытарнага прынцыпу мясцовай выбарчай сістэмы, гэтага нажаль недастаткова, каб атрымаць прадстаўніцтва ў парламенце.

Прэс-служба Беларускай Партыі "Зяленыя"