Беларускія “Зялёныя” запрашаюць НДА, праваабарончыя арганізацыі і рэгіянальныя СМІ да супрацы  ў межах праекта "Зялёны тэлефон". Гэты праект мусіць дапамагаць простым грамадзянам атрымоўваць своечасовую дапамогу падчас парушэння іх экалагічных праў.

Мэта праекта: каардынацыя дзеянняў рэгіянальных эка актывістаў у пытаннях, звязаных з парушэннем экалагічнага права грамадзянаў Беларусі; кансалідацыя намаганняў эка-супольнасці, СМІ і прадстаўнікоў праваабарончых арганізацый у межах запланаваных мерапрыемстваў па процідзеянню парушэнням экалагічнага права ў Беларусі.

У рамках праекта запланавана стварэнне колл-цэнтра, скіраванага на працу з грамадзянамі чые экалагічныя правы па тых ці іншых прычынах былі парушаныя. Пасля звароту грамадзянаў да спецыялістаў нашага колл-цэнтра, ўпаўнаважанымі супрацоўнікамі сакратарыята Беларускай партыі “Зялёныя” прадугледжаны шэраг мерапрыемстваў па каардынацыі далейшых актыўнасцяў абураных заяўнікоў, што мусіць паспрыяць задавальненню скаргаў альбо ініцыятыў тых, хто звярнуўся да нас.

У спіс мер па прадухіленню парушэнняў экалагічнага права  ўваходзяць наступныя напрамкі дзейнасці:
Кансультацыя грамадзян у сферы экалагічнага права.
Каардынацыя  грамадзян у далейшых дзеяннях, а менавіта камунікацыя з прадстаўнікамі беларускіх НДА, праваабарончымі арганізацыямі, прадстаўнікамі арганiзацыi, што прадстаўляюць бясплатную юрыдычную кансультацыю альбо дапамогу.
Камунікацыя з нацыянальнымі і мясцовымі СМІ, здольнымі асвяціць дадзеную праблему.

Прыблізны старт праекта запланаваны на 15 чэрвеня.

Прадстаўнікоў усіх зацікаўленых арганізацый запрашаем да ўдзелу ў дадзеным праекце.

Кантакты:
info@belgreens.org
+375 17 334 08 27

Прэс-служба Беларускай Партыі “Зялёныя”