Нядаўна зноў распаленыя спрэчкі наконт будаўніцтва каля Мінска завода па спальванню адходаў, якое па дамове з Мінгарвыканкамам даручана нікому не вядомай чэшскай кампаніі Еco Clean Energy.
Сітуацыю пракаментаваў сябра ЦС Беларусскай партыі "Зялёныя", спецыяліст у сферы абыходжання з адходамі, Аляксандр Лагуцёнак:
"Па-першае, вельмі сумніўным з'яўляецца ўжо той факт, што чэшская кампанія не вядомая нават сярод спецыялістаў, у тым ліку у самой Чэхіі., і не мае абсалютна ніякага вопыту ў гэтай сферы. Таму адразу паўстае пытанне да ўладаў Мінска: Куды глядзелі і каму замовілі?
Па-другое, спальванне адходаў негатыўна ўплывае на навакольнае асяроддзе а таксама на здароўе людзей. Пры спальванні адходаў у атмасферу выкідваюцца цяжкія металы, шкодныя хімічныя рэчывы і ўстойлівыя арганічныя забруджвальнікі - дыяксіны. Іх выкід у паветра можа садзейнічаць павелічэнню ракавых захворванняў, росту колькасці алергій, паслаблення імунітэту і асабліва паўплываць на імунную і рэпрадуктыўную сістэму чалавека. Па-другое, тэхналогія, па якой павінен быць пабудаваны завод, з'яўляецца эксперыментальнай. Як і ў выпадку з будаўніцтвам беларускай АЭС, узнікае такое адчуванне, што беларусаў вырашылі зрабіць подоподными трусамі. І самае крыўднае і страшнае, што ўсяму гэтаму спрыяюць непасрэдна самі ж беларускія ўлады. Нават сама назва гэтай нібыта чэшскай кампаніі (Еco Clean Energy - "Экалагічна чыстая энергія" - заўв. рэд.) з'яўляецца вельмі цынічный і не дальнабачнай. У свеце няма ні аднаго прыкладу паспяхова працуючага завода па спальванню адходаў, да якога не было б прэтэнзій з пункту гледжання экалагічнай бяспекі.
Спальванне адходаў не эффектыўна і з пункту гледжання экономікі. У той жа цівілізаванай Еўропе спальванне прымяняецца толькі да нязначнай часткі адходаў, якія прайшлі папярэдняе сартаванне. Гэта значыць, спальваюцца, у асноўным, толькі так званыя “хвасты” адходаў, не прыгодныя для далейшай сартыроўкі і перепрацоўцы. У выпадку спальвання адходаў апошнія не сартыруюцца і не перапрацоўваюцца. І такім чынам другасныя матэрыяльныя рэсурсы проста выкідваюцца ў паветра. Хоць можна было б зрабіць шмат бумагі, пластмасы, шкла і такім чынам надрукаваць шмат кніг, зрабіць ігровые пляцоўкі для дзяцей і г.д.»
Прэс-служба Беларускай Партыі Зялёныя