Партыя "Ініцыятыва для Каталоніі -  Зялёныя" (ICV) далучылася да ўсеагульнага страйку, які  адбыўся ў Іспаніі на мінулым тыдні.

Не гледзячы на пленарнае паседжанне ў Еўрапарламенце,  еўрадэпутат ад  ICV і віцэ-прэзідэнт Зялёнай фракцыі ў парламенце ЕС Раўль Ромева (Raul Romeva), пакінуў  Брусэль , каб далучыцца да страйкоўцаў і на адным з мітынгаў выступіць супраць плану скарачэнняў сацыяльных выдаткаў, прапанаванага ўрадам кансерватыўнай Народнай Партыі (РР).

Па словах Рауля Ромева "страйк стаў дэманстрацыяй непрымання людзьмі неаліберальнай мадэлі, якая ажыццяўляецца паўсюль у Еўрапейскім Саюзе".

Ён таксама звярнуўся да іншых дэпутатаў Еўрапарламента з просьбай падтрымаць страйк і асабіста прыняць удзел у маніфестацыях.

"Як сябра Еўрапарламента я жадаю  заклікаць прагрэсіўных депутов  Еўрапарламента і іншых еўрапейскіх палітыкаў далучыцца да ўсеагульнага страйку ў Іспаніі," – сказаў зялёны дэпутат.

Сацыяльныя пратэсты скалынулі Іспанію пасля таго як урад анансаваў  скарачэнне бюджэту на 2012 г. на €27 мільярдаў  з-за быццам няздольнасці ў поўнай меры фінансаваць выдаткі на грамадскія патрэбы, у тым ліку падтрымліваць такія сектары як адукацыя і медыцына.

Зялёныя ICV і іх саюзнікі з іспанскай экалагічнай партыі Equo лічаць, што існуе альтэрнатыва скарачэнню “сацыялкі”. Выйсце з крызісу па думку Зялёных складаецца ў большай еўрапейскай салідарнасці  і рэалізацыі канцэпцыі зялёнай эканомікі, выкладзенай у праекце Новы Зялёны Курс.

Прэс-служба Беларускай Партыі Зялёных