Гаворка ідзе ў дадзеным выпадку не пра Міжнародны дзень гумару. 1-га красавіка ўступіла ў сілу Еўрапейская грамадзянская ініцыятыва

Еўрапейская грамадзянская ініцыятыва (ЕГІ) з'яўляецца першым у свеце транснацыянальным інструментам удзелу грамадзян і замацавана ў Лісабонскім дагаворы. З 1 красавіка 2012 году мільёны грамадзян ЕС маюць права патрабаваць ад Еўракамісіі вырашэння праблем ініцыятывы і прадстаўлення адпаведных заканадаўчых прапаноў.

Уступленне ў сілу з 1 красавіка Еўрапейскай грамадзянскай ініцыятывы Мануэль Саррацiн, які адказвае за еўрапейскую палітыку нямецкай партыі Зялёных, патлумачыў наступным чынам:

“Дэмакратыя жыве ўдзелам грамадскасці і грамадзянскай актыўнасцю. Таму мы рады, што 1 красавіка, нарэшце, будзе дан старт Еўрапейскай грамадзянскай ініцыятыве. Інтэнсіўны ўплыў грамадзян Еўропы ў прыняцці палітычных рашэнняў будзе садзейнічаць еўрапейскай дэмакратыі. Новы дакумент, як інструмент дзеяння, дае ЕС унікальны шанец стаць бліжэй да сваіх грамадзян, павялічвае трансгранічныя дэбаты, і, такім чынам, спрыяе стварэнню еўрапейскай адзінай грамадскасці.

Мы, Зялёныя, жадаем выкарыстаць гэтую магчымасць. Таму мы патрабавалі ад федэральнага ўрада абавязковых, не бюракратычных і зручных для грамадзян ЕС працэдур удзелу грамадзянскіх ініцыятыў. І ў значнай ступені мы дасягнулі гэтага. Абсурдныя развагі Федэральнага міністэрства ўнутраных спраў перакласці адміністрацыйныя выдаткі на ініцыятараў былі, на шчасце, ня доўгімі. Выкарыстанне грамадзянскіх ініцыятыў ЕС зараз будзе, у тым ліку пад уціскам Зялёных, бясплатным.

Мы жадаем далейшага развіцця еўрапейскай дэмакратыі. Пры гэтым аднак важна наступнае: калі грамадзянская ініцыятыва жадае стаць пачаткам прамой дэмакратыі на еўрапейскім узроўні, яна павінна сур'ёзна выкарыстоўвацца на практыцы палітыкамі і грамадзянскай супольнасцю.”

Прэс-служба Беларускай Партыі “Зялёныя”