25-га сакавіка адзначаецца дзень абвяшчэння Беларускай Народнай Рэспублікі (БНР).

Сваё стаўленне да Дня Воля ў сумесным каментары  выказалі старшыня БПЗ Алег Новікаў і намеснік старшыні БПЗ  Юрый Глушакоў.

“25-ае сакавіка 1918-га году важная для беларускіх Зялёных гістарычная дата, паколькі эколагі – гэта левы рух, а партыі, якія бралі ўдзел у праекце БНР, належалі выключна да левага флангу палітычнага спектру.

У сувязі з гэтым цяжка сказаць - ці можна было увогуле рэалізаваць пункты Устаўных грамат БНР пры нямецкай акупацыйнай адміністрацыі, з якой Рада  Беларускай Народнай Рэспублікі як вядома шукала агульную мову?

Спроба рэалізацый праграмы БНР - стварэнне парламенцкай рэспублікі, дзе забаронена прыватная уласнасць на зямлю і гарантаваны шырокія сацыяльныя і грамадзянскія правы, з апорай на германскі (па сваёй тагачаснай прыродзе кансерватыўны, антыдэмакратычны) рэсурс у гістарычнай перспекціве была правальнай.

Але тое, што дэкларацыі аўтараў беларускага нацыянальнага адраджэння ўтрымлівалі сацыяльныя і радыкальныя дэмакратычныя лозунгі безумоўна пазітыўны факт. Акрамя таго 25-ае сакавіка стала каталізатарам беларускага дзяржаўнатворчага працэсу, наступным этапам якой стала абвяшчэнне савецкай Беларусі, якую будавалі таксама і шэраг аўтараў БНР.

Паколькі разуменне “незалежнасці” апошнім часам набыло шматлікія ў тым ліку элітарныя, кансерватыўныя і аўтарытарныя трактоўкі, 25-ае сакавіка - цудоўная нагода нагадаць прыхільнікам суверынітэту, што ўкладалі ў канцэпцыі “суверынітэт “і “незалежнасць” піянеры руху за вольную Беларусь.

Прэс-служба Беларускай Партыі “Зялёныя”