Не факт. Калі браць за прыклад схему паводзінаў чыноўнікаў пасля аварыі на Жодзінскай ЦЭЦ.
Мы раней паведамлялі пра уцечку масла на рацэ Пліса з Жодзінскай ЦЭЦ http://belgreens.org/2012/03/1080.
Цягам гэтага тыдня, у гэтай гісторыі з'яўляюцца ўсё новыя фрагменты таго, што можна назваць фальсіфікацыямі.
Калі верыць кіраўніцтву ЦЭЦ і газеце “Жодзінскія Навіны”то уцечка адбылася 14 сакавіка.
Паводле дадзеных zhodzina.by ад 14.03.2012 афіцыйны каментар галоўнага эколага па Жодзіна і Смалевіцкаму раёну Аляксандра Вінніка гучаў так: “Учора (13 сакавіка – прым.рэд.) каля 13 гадзін кіраўніцтва ЦЭЦ паведаміла аб тым, што здарылася. У цяперашні час вядуцца працы па ліквідацыі наступстваў уцечкі алею.” Тобок, як мінімум на адзін дзень, паважаная рэдакцыя “ЖН”, сфальсіфікавала дату, а калі “паглядзець у вочы сітуацыі” то рыбакі казалі, што ўжо як мінімум два тыдні да гэтага, некалькі працоўных прыбіраюць алей з паверхні ракі.
Вабяць канешне і лічбы, якія прыводзіць кіраўніцтва ЦЭЦ: “... з-за няспраўнасці ўшчыльнення аднаго з помпаў адбылася нязначная ўцечка алею (2-3 літры), што было адразу ўстаноўлена хімкантролем, якi ажыццяўляецца пастаянна”.
Проста паглядзіце фотаздымкі, ці з'ездзіце зараз на Плісу і самі зразумееце колькі сапраўды там літраў:
Можна, нават і не нагадваць пра парушэнне арт.12 Закона РБ «Аб ахове навакольнага асяроддзя», згодна з якім галоўны эколаг па Жодзіна і Смалевіцкаму раёну павінен быў паведаміць грамадзкасці аб здарэнні сам, а не пасля звароту журналіста zhodzina.by, усё і так зразумела.
Усё вельмі паслядоўна і лагічна. Кіраўніцтва ЦЭЦ, эканадзор і дзяржаўныя СМІ, быццам бы згуртаваная футбольная каманда, спрытна разыгрываюць мячык пыміж сабой і забіваюць “галы” у браму простых жыхароў і эка-супольнасці.
Дзякуй богу, што ЦЭЦ не АЭС, а калі б падобнае здарыцца ў Астраўцы?
Ці даведаемся мы праўду, якую так “шчыра” нам абяцае шматлюднае чынавенства?
Адказаць на гэтае пытанне можна паглядзеўшы на ўзор паводзінаў савецкай улады і органаў экалагічнай бяспекі часоў Чарнобыльскай катастрофы. Ці моцна сёняшняя сістэма экалагічнага кантролю адрозніваецца ад той, шмат чаго змянілася? Колькі прадстаўнікоў грамадзкіх арганізацый маюць пропуск да небяспечных аб'ектаў і шчырай інфармацыі аб іх?
На гэтае пытанне, здаецца, вельмі проста адказаць...
Крыніца: Прэс-служба Беларускай Партыі Зялёныя