20 снежня ў маскоўскім Цэнтры "Мемарыял" адбыўся круглы стол на тэму "Левыя ў Расіі: гісторыя і сучаснасць", у якім прыняў удзел Юрый Глушакоў, сябра Беларускіх Зяленых.

Адным з пытанняў, вынесеных на парадак дня, быў такі: "Ці трэба сучасным левым веды гісторыі і традыцыі сваіх папярэднікаў?"

Прадстаўнік БПЗ, які прыняў ўдзел у дыскусіі, адназначна адказаў "так, трэба". У круглым стале бралі ўдзел таксама  К.Марозаў, Я. Леонтьев, А. Гусев (цэнтр "Праксис"), А. Шубін (сябра Савету "Левага фронта, С. Салаўёў (рэдактар часопіса "Скепсис"), і іншыя.

Прадстаўнік БПЗ у ходзе дэбатаў выступіў  з крытыкай мадэрнізатарскай канцэпцыі і канцэпцыі "таталітарызму", неакансерватыўнай ідэалогіі, што навязваецца сучаснай гістарычнай навуцы і грамадскай свядомасці. Па яго меркаванню, будучыня левага руху ляжыць у вобласці сінтэзу, які павінен ўвабраць у сябе ўсё пазітыўнае з тэорыі і практыкі марксізму, народніцтва, лібертарных тэндэнцый.

Ад слоў - да справы. У гэтыя дні паміж прадстаўнікамі БПЗ і "Левым фронтам" адбыліся працоўныя перамовы пра пачатак працэсу па стварэнні "Канфедэрацыі левых СНД". Сінтэз у тэорыі - аб'яднанне і адзінства на практыку!

Крыніца: Беларуская Партыя “Зялёных