Еўрапейская Партыя “Зялёныя”, сябрам якой з’яўляецца БПЗ, заклікае правесці па ўсяму свету акцыі і мерапрыемствы, прывечаныя гадавіне аварыі на Фукусіме.

Аварыя на Фукусіме як вядома адбылася 11-га сакавіка. У выніку прыроднай катастрофы адбылася катастрофа тэхнагенная. Удар цунамі вывеў з ладу вонкавыя сродкі электразабеспячэння і рэзервовыя дызельныя электрастанцыі, што з'явілася прычынай непрацаздольнасці ўсіх сістэм аварыйнага астуджэння і прывяло да расплаўлення актыўнай зоны рэактараў на энергаблоках.

З-за аварыі на АЭС «Фукусіма-1» у атмасферу і акіян патрапілі радыёактыўныя рэчывы. Была праведзена эвакуацыя людзей вакол шматкіламятровай зона аварыйнай станцыі. Памеры кампенсацый ахвярам склалі ўжо каля 9 млрд. долараў ЗША.

У гадавіну аварыі Еўрапейскія Зялёныя збіраюцца заклікаць урады зрабіць практычныя вывады  з фукусімскай катастрофы – адмовіцца да атамнай індустрыі. Першым крокам у гэтым накірунку на іх думку можа быць пераверка сістэм бяспекі ўсіх дзеючых станцый з улікам таго, што адбылося год назад у Японіі, прыняцце новых крытэрыяў бяспекі для тых АЭС, якія плануецца пабудаваць.

З гэтай мэтай група дэпутатаў Зялёных у Еўрапарламенце распрацавала дакумент “Тэст для еўрапейскіх АЭС”. Прэзентацыя кнігі адбудзецца 7-га сакавіка ў мэрыі Фукусімы.

У прадмове дакументу гаворыцца: "Самы просты, але тым не менш самы важны, урок падзей на Фукусіме - аварыі на ядзерным аб'екце адбываюцца нават у самой прамысловай развітой краіне. Паняцце "ядзерная бяспека" абсурдна. Калі нехта кажа "гэта АЭС бяспечная", значыць ён  прызнаём рэшткавую наяўнасць такой рызыкі. Гэту рызыку могуць ўяўляць  цунамі іі іншыя прыродныя з'явы, пажары, памылка супрацоўніка, уцечка радыяцыі – вялікая колькасць неспадзяваных камбінацыі памылак - тэхнічных і чалавечых, якія не могуць быць ацэнены і выключаны загадзя. Маніторынг сістэм бяспекі АЭС з улікам вопыту Фукусімы можа дапамагчы паменшыць ядзерныя рызыкі і у канчатковым рахунку служыць важным матэрыялам для таго, каб адказаць на пытанне – ці патрэбна нам увогуле атамная індустрыя?”.

Прэс-служба Беларускай Партыі “Зялёныя”