Нямецкая партыя "Саюз 90/"Зялёныя" адключыла свой сайт ў знак салідарнасці з праціўнікамі цэнзуры ў сеціве.
Нагодай для такой незвычайнай формы пратэсту сталі два запланаваных у Кангрэсе ЗША законапраекта. Іх скарочаныя назвы - SOPA (Stop Online Piracy Act) і PIPA (Protect IP Act). Законапраекты створаныя з мэтай барацьбы з веб-пірацтвам, ад якога нясуць мільярдныя страты амерыканскія кампаніі. Гаворка ідзе ў першую чаргу пра нелегальнае спампаванне фільмаў і музыкі праз сайты ў інтэрнэце, серверы якіх знаходзяцца за мяжой Штатаў.
Аднак рэдакцыя вольнай онлайн-інтэрнет энцыклапедыі Wikipedia і тыя, хто яе падтрымлівае, лічаць, што амерыканскія заканадаўцы збіраюцца увесці цэнзуру ў інтэрнэце. У выпадку прыняцця законаў, Wikipedia была б абавязана несці прававую адказнасць за ўтрыманне сайтаў, спасылкі на якія яна змяшчае. Рэдактары анлайн-энцыклапедыі лічаць, што ў сучасных умовах гэта будзе азначаць "канец вольнага і адкрытага інтэрнэту".
Каб прыцягнуць увагу грамадскасці, Wikipedia пайшла на беспрэцэндэнтны крок – 18-га студзеня адключыла свой англамоўны сайт на суткі. Так зрабілі шмат іншых сайтаў не толькі ў ЗША, аднак і па ўсім свеце.
Сярод тых арганізацый, якія адключылі свае сайты знак салідарнасці з Wikipedia, была таксама нямецкая партыя Саюз 90/"Зялёныя.
Зяленыя тлумачаць свой учынак так: "Гаворка ідзе пра неадпаведнасць маштабаў кантролю за аборонай аўтарскага права. Гэтыя планы могуць выклікаць за сабой далёка ідучыя наступствы - як для карыстальнікаў так і для тых на каго спасылаюцца стваральнікі сайтаў. …Памылкова абараняць толькі адну кропку гледжання і ісці на юрыдычнае абвастрэнне сітуацыі. Трэба шукаць новыя шляхі кампенсацыі аўтарам, не парушаючы пры гэтым правы карыстальнікаў і іх права на вольны доступ у інтэрнеце".
Першы ў гісторыі інтэрнэт-страйк, падобна, не прайшоў дарма. Як піша прэса з ЗША паведамляюць пра зніжэнне палітычнай падтрымкі законапраектаў, якія прадугледжваюць узмацненне жорсткасці барацьбы з парушэннямі аўтарскіх правоў.
Крыніца: Прэс-служба Беларускай Партыі "Зяленыя"