Парламенцкія выбары ў Расеі і іх наступствы з пункту гледжання еўрапейскіх Зялёных.
Мары-Луізы Бэк - дэпутат нямецкага Федэральнага парламента ад партыі “Саюз 90/ЗЯЛЁНЫЯ” , якая адказвае за палітыку ва Ўсходняй Еўропе наступным чынам пракаментавала вынікі думскіх выбараў 4-га снежня.
“Вынікі выбараў для партыі "Адзіная Расія", якія былі дасягнуты бруднымі метадамі – гэта параза для Крамля. Тандэм Мядзведзеў/Пуцін пасля сваёй нахабнай ракіроўкі відавочна перагнуў дугу. Значная частка насельніцтва страціла давер да гэтага “дуэта”.
Каб атрымаць абсалютную большасць колькасці галасоў для пуцінскай партыі "Адзіная Расія", Крэмль выкарыстоўваў усе сродкі і метады. На ўсіх этапах выбараў прадстаўнікі АБСЕ і Парламенцкая Асамблея Савета Еўропы адзначалі парушэнні, недахопы і відавочныя маніпуляцыі. Гэтыя арганізацыі лічаць выбары не справядлівымі.
Яшчэ да выбарчай кампаніі незалежным партыям было адмоўлена ў рэгістрацыі. Актывісты НДА “Голас”, якая праводзіць незалежны маніторынг выбараў, падвяргаліся ўціскам з боку расейскіх улад. У кітайскім стыле ў дзень выбараў крытычныя да ўлады вэб-сайты былі заблакіраваны.
Атрымаць амаль 50 % галасоў для кіруючай партыі можна толькі тады, калі ёсць такія “дапаможцы”, як чачэнскі губернатар Рамзан Кадыраў, які атрымаў 93 % галасоў ад насельніцтва, а для "Адзінай Расіі" ён “здабыў” боль за 99 % галасоў.
Тыя, хто зрабіў стаўку на стабільнасць сістэмы Пуціна, зараз зразумелі, што зрабілі памылку. Рэжым, які мае падтрымку большасці насельніцтва толькі за кошт ўсяго рэпертуара маніпуляцый, не з'яўляецца гарантыяй стабільнасці.”
А вось што заявіў дэпутат Еўпапарламента Вернер Шульц, віцэ-старшыня Камітэта парламенцкага супрацоўніцтва ЕС-Расія:
“Ад 2/3 галасоў у Думе у пуцінскай партыі “Адзіная Расія" застанецца толькі ¼ ад колькасці усіх выбаршчыкаў. «Адзіная Расія» страціла 12 млн. галасоў. Гэта паказвае, як мала з расіян падтрымлівае інсцанваную дэмакратыю тандэма Пуціна і Мядзьведзева. Палова насельніцтва ўвогуле не прымала ўдзел у выбарах. Атрымліваецца, што гэта не "аптымальны вынік у дрэнныя часы", як сказаў Пуцін. Сістэма дала расколіну. Незадаволенасць насельніцтва ўжо не магчыма схаваць, і яна будзе працягваць расці.
Толькі з “дапамогай” недэмакратычнай выбарчай сістэмы, сяміадсоткавага бар'ера, аднабаковай кампаніі і шырокіх маніпуляцый партыя скора-зноў-прэзідэнта атрымала абсалютную большасць месцаў. Гэта тым больш дзіўна, таму што рэальная апазіцыі з-за адмовы ў рэгістрацыі палітычных партый увогуле не была дапушчана да ўдзела ў выбарах.
Абурэнне таксама вызвало тое, што міжнародным і мясцовым назіральнікам за выбарамі перашкаджалі працаваць і запалохвалі. "Карта правапарушэнняў падчас выбараў", апублікаваная ў Інтэрнэце вядомай НДА “Голас”, была заблакіравана. А дагэтуль былі судовыя пазовы, канфіскацыя кампутараў і штрафы за якабы злачынствы супраць закона.
У сам дзень выбараў многія назіральнікі былі выдвараны з выбарчых участкаў, альбо іх ўвогуле не пускалі туды.”
Крыніца: Прэс-служба беларускай Партыі “Зялёныя”