28 лістапада ў паўднёва-афрыканскім Дурбане пачалася 17-я канферэнцыя бакоў Канвенцыі ААН па змене клімату і 7-я сустрэча бакоў Кіёцкага пратаколу.

Такія штогадовыя міжнародныя сустрэчы праводзяцца вышэйшымі кіраўнічымі органамі Рамачнай Канвенцыі ААН па змене клімату і Кіёцкага пратаколу  і збіраюць дэлегацыі больш 200 краін,  і міжнародных арганізацый.

Беларуская Партыя Зялёных (БПЗ) актыўна ўдзельнічае ў міжнародным руху абароны супраць глабальнага пацяплення.  У 2009-ом году вялікая група сяброў БПЗ прыняла ўдзел у Кліматычным форуме ў Капенгагене (Данія), дзе праходзіла канферэнцыя ААН наконт зменаў клімата (COP15).

Значэнне дурбанской канферэнцыі і перспектывы Кіёцкага працэсу каментуе адзін з вядучых у СНД эколагаў-экспертаў у дадзенай вобласці Надзея Шаўчэнка (група "Зялёнае Дасье", Кіеў).

"Асноўнай інтрыгай цяперашняй сустрэчы сталі перспектывы прыняцця Другога перыяду Кіёцкага пратаколу, першы перыяд якога сканчаецца ўжо ў наступным годзе і падаўжэнне дзеянняў  механізмаў пратаколу.

Міжнародная экалагічная супольнасць мае даволі песімістычныя надзеі наконт поспехаў гэтых перамоў, але чакае прынамсі дамоўленасці пра прыняцце новай дамовы ў найблізкай будучыні.  Такая дамова, на думку шматлікіх няўрадавых арганізацый і рухаў павінна стаць юрыдычна абавязковым да выканання, а яе механізмы павінны аддаваць прыярытэт развіццю ўзнаўляльных крыніц энергетыкі і энергаэфектыўнасці.

Больш таго, усё больш распаўсюджаным становіцца меркаванне пра тое, што практыка гандлю квотамі павінна быць спынена, паколькі яна не апраўдала сябе і не прыводзіць да рэальнага скарачэння выкідаў парніковых газаў, выклікаючы толькі новыя праблемы.

Шырокі спектр супярэчнасцяў  і адносная бяздзейнасць урадаў  на фоне прагнозаў адносна магчымай кліматычнай катастрофы, штурхае ўсе шырэйшыя кругі грамадзянскага грамадства  ўключацца ў дзейнасць міжнароднага кліматычнага руху, якое патрабуе ад урадаў больш рашучых дзеянняў . Як і падчас мінулых сустрэч  у Дурбане зараз праходзяць акцыі грамадцкіх пратэстаў.

Важнай падзеяй у гэтай вобласці стала леташняя першая Сусветная народная канферэнцыя па змене клімату ў Кочабамбе, (Балівія), арганізатарам якой  быў балівійскі лідэр Эво Моралес.  Таксама яго падтрымалі главы некалькіх краін Паўднёвай Амерыкі, незадаволеных ходам перагаворнага працэсу пад эгідай  ААН і ігнараваннем меркавання грамадства.  З іх пункта гледжання прабуксоўкі перагаворнага працэсу  выкліканы безадказнасцю "развітых краін", якія не жадаюць ісці на рэальныя эканамічныя змены і скарачэнне выкідаў, прызнаваць кліматычны абавязак, які яны нясуць перад беднымі краінамі і будучымі пакаленнямі”.

Прэс-служба" Беларускай Партыі Зялёных.