Адпаведна вынікам апытання газеты Обозреватель Зялёных ведаюць лепш за эсдэкаў і лібералаў.

Выданне "Обозреватель" у выпуску №44 (479) за 4 лістапада 2011 піша пра вынікі аднаго сацыялагічнага апытання. Прыкладна 120 чалавек адказалі на пытанне журналістаў газеты: “Якія палітычныя партыі Вам вядомыя?”. У выніку пра БПЗ ведаюць 3, 5 працэнтаў сярод апытаных. Акрамя Зялёных рэспандэнтам вядомыя наступныя партыі - БНФ (14,5%), Камуністычная партыя (7%). У гэты спіс таксама трапілі грамадцкія арганізацыі -  БРСМ (10%) і Малады Фронт ( 5%).

Каментар Алег Новікава, старышні БПЗ.

“Статыстыка газеты Обозреватель безумоўна цешыць. Па-першае гэта было адкрытае апытанне. Людзям не прапаноўваліся загадзя падрыхтаваныя версіі адказу. Рэспандэнты мелі самі ўзгадаць назвы партый, якіх у краіне прыкладна 15. Тое, што яны узгадвалі Зялёных. сведчыць пра тое, што нас ведаюць. У сваю чаргу гэта значыць, што мы працуем.

Акрамя таго наша партыя не мае буйнага матэрыяльнага або інфармацыйнага рэсурсу, не карыстаецца пратэкцыяй улады. Аднак гэта, як бачым, не стала перашкодай для таго, каб Зялёныя занялі дастойнае месца у дадзеным рэйтынгу”.

Крыніца: Прэс-служба Беларускай Партыі “Зялёныя”