Катрын Гёрынг-Экарт, віцэ-прэзыдэнт Бундэстагу, прадстаўніца партыі Зялёныя – Саюз 90  пракаментавала ў інтэрвію нямецкаму радыё «Deutschlandfunk» судовы працэс над Алесем Бяляцкім.
 

Палітык, якая да таго ж у рамках праваабарончай кампаніі «Libereco — Partnership for Human Rights» выступае як апякун палітвязня Бяляцкага, назвала выстаўленае яму афіцыйнае абвінавачваньне (ухіленне ад сплаты падаткаў) «абсалютна абсурдным» і заклікала ЭС да аднастайнага падыходу адносна Беларусі. Яна не выключыла таксама ўвядзеньня эканамічных санкцыяў у выпадку, калі іншыя захады не прынясуць плёну.

Паводле Катрын Гёрынг-Экарт, у Беларусі няма незалежнай юстыцыі, і гэты «працэс» мае на мэце яшчэ больш раздрабіць апазыцыю і адначасна ўмацаваць рэжым. Нямецкая «Зялёная» таксама адзначыла, што як апякун Алеся Бяляцкага яна ўжо даслала ліст на адрас беларускага прэзыдэнта з патрабаваньнем неадкладна вызваліць палітвязня і што будзе ўважліва адсочваць сытуацыю сваяго «падшэфнага».

На просьбу «Deutschlandfunk» патлумачыць, чаму адначасна з санкцыямі ЭС супраць Беларусі і візавымі абмежаваньнямі ў дачыненьні да прадстаўнікоў рэжыму квітнее гандаль паміж Беларусьсю і ФРГ, віцэ-прэзыдэнт Бундэстагу выказваецца наступным чынам:

«З аднаго боку, нельга цалкам разбураць стасункі… З іншага ж боку, трэба сачыць за сытуацыяй з правамі чалавека ў Беларусі. У цяперашніх умовах заставацца ў Беларусі таксама азначае мець магчымасьць назіраць і даводзіць да ведама, што гандлёвыя стасункі не даюцца проста так, што можа быць разгледжана магчымасьць іх скарачэньня»

Па матэрыялах Радыё Свабода

Крыніца: Прэс-служба Беларуская партыі “Зялёныя”