Апошні выпуск бюлетэня Еўрапейскай Партыі Зяленых прысвяціў асобны матэрыял стаўленню эколагаў да феномену Януша Палікота

Нагадаем, што 10 кастрычніка  ў Польшчы адбыліся выбары, галоўнай сенсацыяй якіх стаў праход у парламент Руху падтрымкі Палікота - партыя, створаная па ініцыятыве бізнесмена, былога ліберала Януша Палікота. Палікот падчас кампаніі выступаў як антыклерыкал, абаронца праў меншасцяў і г.д.

Еўрапейскія Зяленыя прызнаюць прагрэсіўны складнік Руху. Бюлютэнь Еўразялёных піша: "Электаральныя вынікі Рухі Палікота паказваюць, што ў Польшчы ёсць патэнцыял для стварэння левай зялёнай партыі. Палікоту ўдалося прыцягнуць ліберальную, маладую, высокаадукаваную эліту з буйных гарадоў, якім надакучыў сацыяльны кансерватызм Грамадзянскай Платформы (кіруючая партыя ў Польшчы). Акрамя таго ен атрымаў галасы маладых людзей левых поглядаў у правінцыі – ахвяр беспрацоўя, якія таксама выступаюць супраць дамінацыі царквы ў грамадстве. Нарэшце за Паліктота галасавалі феміністкі і прадстаўнікі меншасцяў". 

Аднак цалкам Зяленыя не могуць падзяліць пазіцыі Палікота з-за яго эканамічнай платформы.

"На сацыяльна-эканамічным фронце, Палікот абараняе (нео) ліберальную праграму, якая ўключае адмову ад прагрэсіўнага прынцыпу падаткавай сістэмы, выступае за адзіны падатак для ўсіх. Нарэшце Палікот падтрымлівае развіццё ў Польшчы атамнай энергетыкі.”, - гаворыцца ў артыкуле.  

Як лічаць еўрапейскія Зялёныя “у перспектыве канфрантацыя з новай партыяй Палікота вымусіць Зялёных змагацца з ёй ў тых жа самых галінах. Пры гэтым Зяленыя могуць выступаць у якасці паслядоўных абаронцаў свецкага прынцыпу дзяржавы, праў жанчын, сацыяльнай справядлівасці”.

Крыніца Прэс - служба Беларускай Партыі "Зяленыя"