15 кастрычніка ў шматлікіх краінах свету прайшлі акцыі пратэсту супраць глабальнага капіталізму, панаванні транснацыянальных кампаній і фінансавай алігархіі.

150 тысяч пратэстуючых выйшлі на вуліцы Рыма, 50 тысяч чалавек акупавалі цэнтр Нью-Ёрка. "Абураныя" зноў запоўнілі знакаміты пляц Пуэрта-дель-Соль у Мадрыдзе. Шматтысячныя дэманстрацыі адбыліся ў Грэцыі, Нямеччыны, Францыі, Партугаліі, Канадзе, Японіі,  Тайвані  і шматлікіх  іншых краінах. Усяго пратэсты прайшлі больш, чым у 80-ці краінах Еўропы, Азіі і Лацінскай Амерыкі.

Як кажа Юры Глушакоў, наместнік старшыні БПЗ “Мінулы дзень пратэсту сведчыць не толькі пра крах неаліберальной эканамічнай мадэлі і пра няздольнасць сённяшніх кіравальных эліт выправіць сітуацыю ў эканоміцы. Народы розных краін прадэманстравалі сваю гатовасць да барацьбы не толькі па абароне сваіх непасрэдных інтарэсаў, але і ўсведамленне неабходнасці радыкальных змен існай эканамічнай і палітычнай сістэмы. Сімвалічна, што адначасова з непрыманнем капіталізму як несправядлівай і неэфектыўнай мадэлі людзі патрабуюць  рэальнай дэмакратыі.

І гэта тычыцца не толькі краін з аўтарытарнымі рэжымам кшталту Беларусі, але і такіх "эталонных дэмакратый", як ЗША і ім падобныя. Таму, што іх эліты таксама шукаюць выйсце з крызісу за кошт падразання сацыяльных праграм, пры гэтым кідаючы мільярды на выратаванне банкаў і карпарацый і на каланіяльныя войны”.

Зялёныя заяўляюць пра сваю поўную салідарнасць з дзеяннямі людзей, якія змагаюцца супраць

несправядлівасці ва ўсім свеце. БПЗ пратэстуе супраць рэпрэсій і ўжыванні паліцэйскага гвалту ў стаўленні людзей, якія выйшлі выказаць сваю нязгоду з палітыкай улад. Сёння, як ніколі, мы маем патрэбу ў зменах ва ўсім свеце. Іншы свет магчымы! Рэальная дэмакратыя - рэальная справядлівасць!

Крыніца: Прэс-служба Беларускай партыі "Зялёныя"