25 тысяч чалавек адгукнуліся на заклік шэрагу грамадскіх экалагічных арганізацый і  левых партый, якія выступылі за спыненне эксплуатацыі французскіх АЭС.

Францыя, нагадаем, з’яўляецца краінай, якая найбольш у Еўропе залежыць ад мірнага атаму. Атамныя станцыі даюць амаль 70 працэнтаў усей электраэнергіі. Ня дзіўна, што доўгі час за адмову ад АЭС выступалі толькі радыкальныя экалагічныя групоўкі. Нават Зялёныя былі вельмі асцярожнымі у сваіх патрабаваннях.  Аднак падзеі н Фукусіме паступова змянілі баланс сіл. Увесну 77 працэнтаў французаў выступілі за тое, каб неадкладна пачаць працэс паступовага закрыцця атамных аб’ектаў.

15-га кастрычніка ў краіне прайшла першая агульнанацыянальная акцыя за безядзерную Францыю. Маніфестацыі прайшлі прыкладна ў дзесяці гарадах. Найбольш масавая мела месца ў горадзе Рене, дзе на вуліцы выйшла 15 тысяч чалавек. Далучылася да гэтых пратэстаў і Ева Жолі – кандыдат Зялёных на прэзідэнцкіх выбарах 2012-га году. У сваім выступе на мітынгу яна заявіла, што” ультра дамінацыя АЭС ў электрычнай індустрыі не  стане перашкодай, каб за 20 год цалкам пазбавіцца ад атамных станцый”.

Ева Жолі таксама заклікала левыя партыі да стварэння сталага полюсу палітычных сіл, які выступаюць за  без’ядзерную альтэрнатыву. Па яе словах адмоўнае стаўленне да АЭС гэта тэст на тое ці прытрымліваецца палітык левых поглядаў.

Крыніца: Прэс-служба Беларускай партыі “Зялёныя”