У мінулую пятніцу 14-га кастрычніка на офісе Беларускай партыі “Зялёныя” прайшла сустрэча прадстаўнікоў БАЯК (Беларускай антыядзернай кампаніі), адным з заснавальнікаў якой з'яўляецца БПЗ.

Акрамя сяброў БПЗ на сустрэчы прысутнічалі прадстаўнікі арганізацый: Экадом, Экозащита (Калініград). А таксама Андрэй Ажароўскі (інжэнер-фізік, эксперт эка-аб'яднання «Беллона», Масква).

Абмяркоўваліся пытанні, звязаныя з будаўніцтвам трох атамных станцый у Балтыйскім рэгіёне: беларускай “Астравецкай”, літоўскай “Весагінскай” і “Балтыйскай” у Калінінградскай вобласці Расеі.

На думку прысутных патрэбныі ўзаемныя дзеянні супраць трох АЭС і прасоўванне ўзнаўляльнай энергетыкі ў трох краінах адразу. Інакш ў выпадку цяжкаў аварыі любой з ліку запланаваных АЭС, Беларусь, Літва, Калініград непазбежна пацерпяць цяжкія страты.Ніхто не здольны даць стоадсоткавую гарантыю і на адсутнасць уздзеяння на памежныя тэрыторыі працуючай у штатным рэжыме АЭС з суседніх краінаў. А калі ўздымаць такія пытанні, якія ніяк не абмяжоўваюцца пагранічнымі слупамі, як напрыклад водазабяспячэнне Астравецкай АЭС грунтовымі водамі ракі Нерыс, ваду з якой спажываюць у якасці пітной большасць жыхароў Вільнюса, то можна шчыра казаць пра нелагічнасць толькі нацянальнага вырашэння пытання па АЭС у Балтыйскім рэгіёне.

На сустрэчы былі запланаваны пэўныя крокі па падняцці гэтага пытання на наднацыянальным узроўні.

Крыніца: прэс-служба Беларускай партыі “Зялёныя”.