Што перашкаджае беларусам зарабляць на смецці, паспрабавала высвятліць 10-га кастрычніка выданне "Заўтра тваёй краіны". На пытанне журналістаў таксама адказаў Дмітры Кучук, прадпрымальнік, адзін з лідэраў Беларускай Партыі "Зяленыя"

 

"Сёння ў Мінску з 400 тысяч тон побытавых адыходаў толькі 7-10% ідуць на перапрацоўку. Астатняя частка па-ранейшаму адпраўляецца на звалкі. Каб вырашыць у Беларусі праблему адыходаў, трэба зрабіць тры рэчы: змяніць заканадаўства, прыцягнуць інвестыцыі, мець добрую палітычную волю для развіцця новых сістэм, злучаных з перапрацоўкай адыходаў, - лічыць кіраўнік прадпрыемства па перапрацоўцы адыходаў станцыі "Заходняя" Дмітры Кучук.

 

Па яго словах, напрыклад, ужо год не можа быць узгоднены ўказ "Пра адказнасць імпарцёраў і вытворцаў тары". Адпаведна і бізнэс не можа рухацца наперад. Невыгодна сёння займацца перапрацоўкай адыходаў, і ўся праблема кладзецца на плечы ЖКГ і такіх прадпрыемстваў як "Экорес".

 

Дмітры Кучук: “У пытанні перапрацоўкі смецця трэба наладзіць прыватна-дзяржаўнае партнёрства, таму што прыватны бізнэс больш актыўны і выяўляе цікавасць яшчэ і таму, што жадае зарабіць на адыходах,. У новым указе прадугледжана схема, якая ўскладае вызначаныя абавязкі на імпарцёраў і вытворцаў прадукцыі. Яны павінны будуць плаціць падатак у бюджэт, ствараць сваю сістэму адыходаў ці падпісваць дамовы з арганізацыямі, якія займаюцца іх зборам і перапрацоўкай”.

 

Прадпрымальнік упэўнены: пасля прыняцця ўказу ў Беларусь прыйдуць інвестары гатовыя займацца ўтылізацыяй адыходаў і зарабляць на гэтым.

 

Крыніца: прэс –служба Беларускай Партыі “Зялёныя”