Так уж здарылася, што некаторыя выявы рознага кшталту кампаній, арганізацый ці брэндаў з цягам часу змяняюць свой выгляд дзеля таго, каб адпавядаць патрабаванням сучаснасці і супадаць з адпаведнай рэчаіснасцю дзейнасці арганізацыі, якую прадстаўляе той ці іншы “малюнак”.

Актывісты Беларускай партыі “Зялёныя” пільна сочаць за новымі дасягненнямі ў сучасным дызайне і артсферы. З-за гэтага лагічным будзе прызнаць, што цяперашні лагатып арганізацыі трошкі састарэў з эстытычнага, а можа быць і ідыялагічнага пункту гледжання.

Вырашэннем будзе наўпроставая змена існага дызайну лагатыпу на новы шляхам конкурснага адбору.

Умовы конкурсу чытайце ніжэй, але неабходна дадаць, што змена лагатыпу адбудзецца толькі ў выніку станоўчага рашэння дэлегатаў надыходзячага з'езду. У выніку зацвярджэння новай сымболікі ў таго, хто стане яе аўтарам, ёсць магчымасць паўплываць на гістарычную падзею, увекавечыўшы тым самым сваё імя. І няхай можа быць новы лагатып пратрымаецца на афіцыйных дакумантах, сцягах ды ціштоках “Зялёных” толькі пэўны перыяд, але ж імя геніяльнага мастака-вынаходніка не забудзецца ўжо ніколі!

Умовы конкурсу:

1) Патрабаванні да лагатыпу:

Універсальнасць (магчымасць як нефармальнага,так і фармальнага (афіцыйнага) выкарыстання сымболікі).

Арыентацыя канцэпыи на ідыялогію сусветнага руху “Зялёных” партый.

Лагатып павінен быць распрацаваны ў двух варыянтах: каляровы і чорна-белы.

2) Тэрмін правядзення:

Варыянты неабходна дасылаць на пошту info@belgreens.org з паметкай “новае лога” не пазней за 24.00 31 –га кастрычніка бягучага года.

 Абвяшчэнне вынікаў конкурсу адбудзецца 5-га лістапада.

3) Прыз:

Тром удзельнікам конкурсу пасля абвяшчэння вынікаў 5 лістапада прадугледжанны каштоўныя прызы.

Атрыманне прызоў не залежыць ад рашэння аб зацвярджэнні символікі партыі дэлегатамі з'езду, у любым выпадку пераможцы будуць узнагароджаны.

 Спяшайцеся, конкурс ужо распачаўся, поспехаў!!!

Крыніца: Прэс-служба Беларускай Партыі “Зялёныя”