Актывісты праекту інтэрнет радыёстанцыі Радыё Рыба, заснаванай пры ўдзеле Беларускай Партыі “Зялёныя” (БПЗ), бяруць удзел у працы Еўрапейскага Культурнага Кангрэсу, які 8-га верасня адчыніўся у польскім Вроцлаве.

Еўрапейскі Культурны Кангрэс – самы значны за апошнія гады форум вядучых інтылектуалаў і артыстаў з усяго свету. У Кангрэсе  бяруць удзел такія вядомыя асобы як Умберто Эко, Зігмунд Бауман, Вацлав Гавел, Анджей Вайда, Віктар Ерафееў, Амоз Оз, Алан Паркер. Бріан Ено  і інш.

Лёлік Ушкін, супрацоўнік Радыё “Рыба” наступным чынам растлумачыў сутнасць  мерапрыемства:  “у двух словах галоўная задача Кангрэсу ў тым, каб  стварыць пляцоўку для дыскусіі наконт сцэнарыяў развіцця еўрапейскай культуры і яе ролі ў кантэксце  вялікіх перамен на нашым кантыненце. Каталізатарам тых перамен з’яўляецца і пашырэння грмадзянскіх ініцыятыў у інтэрнеце, да якіх адносіцца і праект Радыё Рыба”.

Усе матэрыялы зробленыя журналістамі “Радыё Рыба” падчас Кангрэсу будуць змешчаныя на сайце выдання. http://radioryba.com/.

П.С Радыё “Рыба” ёсць працяг ініцыятывы шэрагу культурных актыіствў у абарону крамы “Рыба” – культавая багемная крама на вул. Карла Маркса ў Мінску. У рамках пратэстаў быў выданы зборнік твораў прысвечаных гастранамічнай установе. ( больш падрабязней пра кампанію глядзі на сайце rybasos.org ). У рамках акцыі нарадзілася ідэя радыё – агульнага радыё рупара беларускай альтэрнатыўнай сцэны.

Радыё адносіць сябе да катэгорыі радыёстнацый, вядомых як “антырадыё”. Для антырадыё важна ніколькі прытэнзіі на аб’етыўнасць і прафесіаналізм, колькі дэмакратычны стыль падачы інфармацыі, тэхнічнае забяспячэня любому чалавек магчымасці выходзіць у эфір з сваімі праграмамі, адсутнасць цэнзуры, калектыўнае самакіраванне радыёстанцыяй.

Крыніца: Прэс служба Беларускай Партыі “Зялёныя”