Прадстаўнікі маладзёжнай групы пры Беларускай Партыі «Зяленыя» (БПЗ) прынялі ўдзел у традыцыйным летніку CDN (Cooperation and Development Network Easter Europe), які прайшоў з 7 па 17 жніўня бягучага года ў Сербіі.

CDN – гэта Суполка супрацоўніцтва і развіцця Ўсходняй Еўропы. Гэтая суполка была створана ў снежні 2002 г. з мэтай развіцця і падтрымкі моладзевых арганізацый “зялёнага” напрамку ў краінах Усходняй і Паўднёва-Усходняй Еўропы на аснове супрацоўніцтва і абмена ведамі. У летніку 2011 г. прынялі ўдзел каля 70 маладых людзей з Усходняй і Заходняй Еўропы, якія сабраліся разам, каб імкнуцца жыць проста, але ў добразычлівых і багатых ўзносінах паміж сабой, у разуменні і каб абмяняцца жыццёвым вопытам. CDN праводзіць розныя мерапрыемствы на працягу ўсяго года. Мэтамі летніку і іншых мерапрыемстваю з’яўляюцца: аб'яднаць моладзь “зялёнага” толку, садзейнічаць развіццю экалогіі, устойліваму развіццю, правам чалавека, правам меншасцяў, гендэрнай роўнасці, дэмакратыі, а таксама дэмакратычным спосабам працы. У гэтым годзе летнік атрымаў новае аблічча: функцыянальная мадэль самадастатковай супольнасці, якое з свайго боку праводзіць у жыццё прынцыпы экалагічна чыстага ладу жыцця. Для ўдзельнікаў летніка было праведзена шмат семінараў, лекцыяў, дыскусій на розныя цікавыя тэмы: рэвалюцыя, грамадзянская вайна, палітычная эканоміка, международныя суадносіны. Мадэратарамі былі, у тым ліку, выкладчыкі еўрапейскіх універсытэтаў. Прадстаўнікі маладзёжнай групы пры БПЗ набылі багатыя і патрэбныя вопыт і веды. Спадзяемся, што наша моладзь будзе рэалізовываць вопыт і выкарыстовываць атрыманыя веды на карысць развіцця Зялёнага руха. Крыніца: Прэс-служба Беларускай Партыі “Зялёныя”