Сябра Беларускай Партыі «Зялёныя», старшыня Камісіі па правах ЛГБТ БПЗ Сяргей АНДРОСЕНКА 11 лютага сустрэўся з саветнікамі дэпутата Еўрапейскага парламента, чальца партыі Зялёных, старшыні Камітэта па правах чалавека Еўрапейскага парламента Элен ФЛОТР у Брусэлі ў будынку Еўрапарламента, а 12 лютага са старэйшым дэпутатам парламента Люксембурга ад пыртыі «Dei Greng», чальцом Парламенцкай Асамблеі Рады Еўропы Жанам ХЮСАМ і са старшынём люксембургскіх Маладых Зялёных Піліпам ШОКВЭЙЛЕРАМ у офісе партыі «Dei Greng» у Люксембурзе.

Сяргей АНДРОСЕНКА распавёў аб тым, што Беларуская Партыя «Зялёныя» з’яўляецца партыяй, якая сапраўды цэніць правы чалавека і прапагандуе еўрапейскія каштоўнасці, клапоціцца за тое, каб асоба жыла і развівалася ў здаровых экалагічных і сацыяльных умовах, а таксама цэніць правы чалавека. Таксама ён распавёў, што старшыня партыі сп. Алег НОВІКАЎ і Рада Беларускай Партыі «Зялёныя» ухвалілі ідэю стварэння ўнутрыпартыйнай Камісіі па правах ЛГБТ. «Гэта вялікі паказчык таго, што партыя сапраўды цэніць правы чалавека, а таксама дэманструе ўзровень разумення гэтых самых правоў», - адзначаў Сяргей АНДРОСЕНКА. Яшчэ ён распавёў, аб тым, што пры БПЗ таксама актыўна працуе камісія Малыдых Зялёных, а таксама распавёў агульную інфармацыю аб дзейнасці партыі.

У Люксембурзе Сяргей АНДРОСЕНКА закрануў і экалагічную тэму, а таксама распавёў аб АЭС, якую збіраюцца пабудаваць у Беларусі. Гэта выклікала непакой у люксембургскіх калег.

Сустрэчы прайшлі ў лёгкай сяброўскай атмасферы, усе бакі засталіся задаволеныя, а старшыня люксембурскіх Маладых Зялёных сп. Піліп ШОКВЭЙЛЕР выказаў жаданне восенню наведаць Мінск.

Крыніца: Беларуская партыя Зялёныя