23-29 ліпеня у Беларусі адбыўся летнік міжнароднай арганізацыі “Сетка Кааперацыі і Развіцця” (CDN) – дзеючая ў рамках Еўрапейскай Федэрацыі Маладых Зялёных (FYEG) структура падтрымкі маладзёвых зялёных арганізацый Усходняй Еўропы.
Летнік, які называўся “Зялёныя перспектывы і еўрапейскія каштоўнасці”, прайшоў на Прыпяці з удзелам каля 60 чалавек з розных краін свету. Яго ўдзельнікамі сталі маладыя Зялёныя з Грузіі, Сербіі, Харватыі, Фінляндыі, Арменіі і іншых краін. У рамках летніка прайшло шмат семінараў і прэзентацый, на якіх абмяркоўваліся пытанні, якія тычацца галоўным чынам праблематыкі экалогіі і гендера.
Фантастычная праца арганізатараў не дазволіла каму трэба сарваць мерапрыемства як гэта здарылася ў выпадку з лагерам маладыз сацыял-дэмакратаў. Нагадаем, што летнік маладых "ружовых" на базе адной з турыстычных баз Магілёўшчыны быў “накрыты” на другі дзень правядзення.
Застаецца спадзявацца, што лагер CDN з Беларусі стане значным імператывам для разбудовы структуры беларускага руху маладых Зялёных.