Італьянскія Зяленыя выступаюць супраць прыватызацыі пляжаў

Лідар італьяскай партыі Зялёных Анджело Бонеллі супраць таго, каб купанне стала ў Італіі раскошай, і заклікае простых людзей адваяваць сваё права бясплатна купацца, прыходзіць вечарамі на ўзбярэжжа і любавацца заходам.

Па дадзеных фонду аховы прыроды WWF, у 2001 году ў Італіі было 5 568 прыватных пляжаў, а ў 2012 году іх колькасць узрасла да 12 000. 900 з 4 000 км пляжаў застаўлены платнымі шэзлонгамі, якія можна арандаваць за 15-20 еўра. У Рыме ўжо прыватызаваны 80% грамадскіх тэрыторый. :

“Доступ на славуты пляж Копакабана ў Рыа-дэ-Жанэйра вольны як для мільянераў, так і для простых смяротных. У Італіі ўсё наадварот: закранутыя крызісам грамадзяне не заўсёды могуць дазволіць сабе паслабіцца і правесці дзень на моры", - кажа Бонеллі.

Лідар Зялёных заклікае грамадзян арганізаваць рэферэндум супраць прыватных пляжаў.

Тэма камерцыялізацыі пляжаў таксама актуальна для Беларусі. Як піша Наша Ніва жыхары пасёлка Ждановічы абураюцца, што санаторый «Крыніца» агарадзіў значную частку пляжа, пакінуўшы ім невялікі ўчастак для адпачынку. Санаторый паставіў 2-метровы металічны плот, які на некалькі метраў выходзіць у ваду. Жыхары пасёлка скардзяцца, што не могуць, як раней, гуляць з дзецьмі на набярэжнай, якую яны лічаць сваёй. А таксама, што санаторый ім пакінуў мала месца на пляжы.

Крыніца: Прэс-служба Беларускйа Партыі Зяленых