У Дакары (Сенегал) адбыўся Глабальны Кангрэс Зяленых, у якім прыняў удзел прадстаўнік Беларускай Партыі  Зяленых (БПЗ)

Глабальны Кангрэс Зяленых - частку руху Глабальныя Зяленыя. Глабальныя Зялёныя - міжнародная сетка усіх вядучых партый Зялёных, які працуюць на планеце . Сетка была заснаваная ў 2001 г. у Аўстраліі. Беларуская Партыя Зялёныя  прыядналася да Руху Глабальныя Зялёныя у 2007-ым годзе.

У працы Кангрэсу у Дакары таксама прыняў удзел прадстаўнік ад БПЗ Анна Каваленка.

Анна Каваленка: "Як для студэнткі міжнародных адносіны, словы глабалізацыя і глабальны былі для мяне надакучлівымі моднымі словамі.

Пасля кангрэсаз 27 па 29 сакавіка ў Дакары, Сенегал, слова "глабальны" здабыло для мяне новы сэнс. Шмат зялёных актывістаў з розных краін свету сабраліся  разам, каб абмеркаваць, што значыць быць зялёнымі ў іх краіне, як можна ўсталяваць глабальны абмен досведам і якая будучыня чакае арганізацыю.

Асабліва цікава было сустрэцца з мясцовай моцнай зялёнай ініцыятывай FEDES (Дэмакратычная і Экалагічная Федэрацыя Сенегала), генеральны сакратар якой на мінулым тыдні стаў міністрам навакольнага асяроддзя. Іншыя ўдзельнікі прадставілі Гамбію, Таго, Нігерыю, Нямеччыну, Автрию, Швецыю, Фінляндыю, Бельгію, Францыю, Беларусь, Славакію, Грузію, Венесуэлу, Калумбію, Аўстралію, ЗША, Канаду, Манголію, Інданэзію, Індыю і г.д..

Для мяне Кангрэс стаў падставай падзяліцца зялёным вопытам, сустрэць шмат аднадумцаў і атрымаць новы драйв для далейшай працы ў сферы навакольнага асяроддзя.

Не гледзячы  на нашы розныя рэальнасці і разуменні гэтых рэальнасцяў, Кангрэс у Сенегале прынёс яго удзельнікам шмат натхнення і надзей на ўстойлівую і светлую глабальную будучыню".

У бліжэйшы час рэдакцыя сайту пазнаёмць чытачоў з прынятымі на Кангрэсе дакументамі.

Прэс служба Беларускай Партыі Зялёных