Разбіраем вынікі апошняга грамадзкага каардынацыйнага экалагічнага савета. Погляд Яўгена Герасіменка, актывіста БПЗ
29.03.2012 на паседжанні ГКС (грамадзкага каардынацыйнага экалагічнага савета) пры Міністэрстве прыродных рэсурсаў і аховы навакольнага асяродзя РБ Філіпюк Марына Віктараўна – начальнік адзела міжнародных сувязей пры Міністэрстве агласіла паведамленне падрыхтаванае да канферэнцыі “Рыа+20”.
Сярод шматлікіх пунктаў прысутнічае патрабаванне не дазволіць дыскрымінацыю і прытэкцыянізм ў дачыненні да “Зялёнай” эканомікі. То-бок, пасля тлумачэння гэтага пункта быў прыведзены узор падвышэння коштаў для авіаперавозчыкаў, пра якое мы паведамлялі раней (http://belgreens.org/2012/03/1085), з пункту гледжаня Марыны Віктараўны, гэты крок Еўрасаюзу з'яўляецца дыскрымінацыяй авіякампаній з Беларусі.
Мы канешне супраць дэскрымінацыі,тое што падыходзіць заможным краінам не заўсёды падыходзіць збяднелым. Але з вышэй прыведзенага вынікае тое, што Міністэрства намагаецца развіваць “Зялёную” эканоміку, але не гатовая да эканамічных субсідый і іншай падтрымцы экалагічна бяспечных прадпрыемстваў і іх вытворчасці як на глабальным узроўні,так і на нацыянальным. Гэта наступная неадназначная пазіцыя дзяржаўнай дэлегацыі на “Рыа +20”, калі улічваць планы на АЭС і “Зялёную” эканоміку.
Дарэчы, неадназначнасць наўпрост лунае ў татальна дэкларатыўных заявах пазіцыі РБ на надыходзячай канферэнцыі “Рыа +20”, бо са слоў прадстаўнікоў Мінпрыроды, дагэтуль чалавецтва разыходзіца ў меркаваннях на конт таго, што менавіта з'яўляецца “Зялёнай” эканомікай, таму, на вялікі жаль, падрабязныя накірункі дзейнасці не прысутнічаюць у паведамленні дэлегацыі ад РБ, толькі дэкларацыя іх жадання на тое каб яны з'явіліся.
Прэс-служба Беларускай Партыі Зялёных