Нагадаем, што выбара прэзідэнта РФ адбудуцца 4 сакавіка г.г.  Еўрапарламент прыняў спецыяльну рэзалюцыю, у якой прызваў урад Расіі праводзіць выбары сумленна, празрыста, справядліва. Намеснік старшыні камітэта Еўрапарламента па пытаннях Расіі і ЕС Вернер Шульц, які прадстаўляе партыю Зялёных, пракаментаваў гэтую рэзалюцыю настумным чынам:

"У сумеснай рэзалюцыі Еўрапарламент заклікае да справядлівых і сумленных прэзідэнцкіх выбараў у адпаведнасці са стандартамі Еўрапейскага Савета і АБСЕ. Сур'ёзныя парушэнні, якія былі на выбарах у Дзярждуму РФ ў снежні мінулага года і аб якіх было распаведзена ў дакладах місіі па назіранні за выбарамі АБСЕ /БДІПЧ, наглядна дэманструюць, якім чынам Пуцінская партыя "Адзіная Расія" атрымала большасць галасоў.

У сувязі з гэтымі прызнаць легітымнасць Дзярждумы можна толькі з абмоўкамі. Зялёныя дамагліся таго, што Камітэт парламенцкага супрацоўніцтва Расіі і ЕС Еўрапарламента ў будучыне будзе весці дыялог і з непарламентской апазіцыяй. Ужо на наша першае сумеснае пасяджэнне ў пачатку красавіка мы запрашаем прадстаўнікоў апазіцыі.

У рэзалюцыі таксама гаворыцца, што неправамернае выкарыстанне антыэкстрэмістскага заканадаўства ў дачыненні да рэлігійных меншасцяў і арганізацый грамадзянскай супольнасці не сумяшчальна з дэмакратычнымі стандартамі".

Між тым напярэдадні выбараў павялічваецца ціск на крытычна настроеных грамадзян, арганізацыі, СМІ. Гэта з'яўляецца яшчэ адным доказам таго, што кіраўніцтва Расіі не вынесла ніякіх урокаў з падзей, якія адбыліся ў апошнія месяцы.

Замест таго, каб выканаць патрабаванні сваіх грамадзян правесці свабодныя і справядлівыя выбары ўлады суседняй за намі краіны усякім чынам перашкаджае апазіцыі.

Напрыклад, крытычна настроеная ў адносінах да Крамля "Новая газете" зараз турбуецца а сваём існаванні, таму што рахункі яе саўладальніка, Аляксандра Лебедзева, былі замарожаны. Адзін з рэдактараў газеты, былы прэзідэнт СССР Міхаіл Гарбачоў, лічыць гэтыя дзеянні з боку ўладаў палітычна матываванымі.

Крытычнае радыё-станцыя "Рэха Масквы" атрымала “папераджальны стрэл”: галоўны рэдактар Аляксей Венядзіктаў, яго намеснік і два незалежных дырэктара станцыі страцілі свае месцы ў наглядальным савеце. Справамі тэлевізійнай станцыі "Дождж" пасля перадачы пра масавыя акцыі пратэсту супраць фальсіфікацыі выбараў зацікавілася пракуратура.

Гэтыя працэсы ні да чаго добрага не прывядуць. Ня кажучы ўжо пра палітычнае развіццё ў Расіі і бліжэйшых краінах, большую адкрытасцю, дэмакратыю і плюралізм.

Прэс-служба Беларускай Партыі Зялёныя