3-6 мая 2012 у Літве адбудзецца пяты міжнародны Медіабаркэмп, прысвечаны выкарыстанню новых магчымасцяў сацыяльных медыя і развіццю медыя-актывізму сярод моладзі. Адным з арганізатараў тусоўкі з’яўляецца Беларуская партыя «Зялёныя».
Медіабаркэмп – гэта ўнікальная міжнародная “не-канферэнцыя” па пытаннях новых медыя і медыя актывізму. Першы MediaBarCamp адбыўся ў чэрвені 2008 г. ў Літве. У ім прыняў удзел каля ста чалавек з Беларусі, Літвы, Латвіі, Расіі, Украіны, Швецыі, Фінляндыі. Мерапрыемства апынулася паспяховым і было прынята рашэнне пра правядзенне Медиабаркэмпа ў 2009, Медиабаркэмпа ў 2010 і Медиабаркэмпа ў 2011 гадах.
Медіабаркэмп 2012 праводзіцца для таго, каб стымуляваць і падтрымаць развіццё новых міжнародных маладзёвых медыяпраектаў у рэгіёне ў сферы новых медыя, наладзіць і ўмацаваць кантакты паміж прафесіяналамі. Медіабаркэмп — гэта не палітычнае, а мультыкультурнае мерапрыемства, якое дазволіць абъяднацца разам усім тым, хто з'яўляецца рэалістам і таму патрабуе немагчымага.
Плануецца, што ўдзел у Медіабаркэмп 2012 прымуць каля 120 чалавек з Беларусі, краін Балтыі, Украіны. Праграма фэсту будзе сфармавана з прэзентацый і выступаў удзельнікаў. Адмысловая ўвага будзе нададзена альтэрнатыўным інфармацыйным медыя-праектам і іх стваральнікам, а таксама выкарыстанню альтэрнатыўных платформаў для стварэння інтэрнэт-рэсурсаў. Адмысловая ўвага сёлета будзе нададзена мікраблогам, перш за щсё твіттеру і працы з новымі медыя.
Новыя медыя сёння – гэта новае асяроддзе існавання сучаснай культуры. Усё што нас атачае, усё што стварае нашу штодзённасць – гэта таксама культура, якая існуе дзякуючы медыя прасторы. І каб быць у анлайн ёсць мноства варыянтаў: ад выкарыстання facebook.com і google.com да альтэрнатыўнай сацыяльнай сетцы (joindiaspora.com) і самаробнага мікроблога (thimbl.net). Сёння ўжо мала проста здымаць відэа, апрацоўваць фатаграфіі, пісаць подкасты. Стала важна - з дапамогай чаго і для каго вы гэта робіце? Медіабаркэмп запрашае ўсіх, хто гатовы прыняць удзел у стварэнні новай медыйнай прасторы.
Медіабаркэмп – гэта некамерцыйнае мерапрыемства і ніхто з арганізатараў не ставіць сваёй мэтай атрыманне прыбытку. Таму ўдзел бясплатны. Для беларускіх і ўкраінскіх удзельнікаў ёсць магчымасць пакрыць кошт праезду, пражыванні і атрыманні візы. Для таго, каб патрапіць у спіс удзельнікаў неабходна зарэгістравацца і падрыхтаваць прэзентацыю ўласнага праекта. Заяўкі тых, каму патрэбна віза павінны быць пададзены да 2 красавіка. Татальны deadline для рэгістрацыі новых удзельнікаў – 30 красавіка.
Адпаведна правілам МедіаБарКэмпа яго ўдзельнікі паводзяць сябе вольна як у прыстойным бары і пры гэтым абсалютна вольныя ў перасоўванні як падчас пікніка на прыродзе. Увесь гэты антураж прыкрашаны бясплатным бесправодным інтэрнэтам і цікавымі прэзентацыямі, якія праходзяць у рэжыме нон-стоп.
Усю дадатковую інфармацыю можна знайсці на сайце MediaBarCamp http://mediabarcamp.com/
Прэс служба беларускай Партыі “Зялёныя”