Зяленыя прыядналіся ды кампаніі збору подпісаў у абарону мінскага Парку імя 40-годдзя Кастрычніка

Абаронцы парку, сярод якіх жыхары сіаліцы, у першую чаргу раёна парку, прадстаўнікі экалагічнай грамадскасці, прадстаўнікі творчай інтэлігенцыі, грамадскія і палітычныя дзеячы, прынялі рашэнне працягнуць збор подпісаў за прыпыненне будаўніцтва ў парке імя 40-годдзя Кастрычніка гасіцінічнага комплексу “Пекін”.

Ініцыятары петыцыйнай кампаніі лічаць, што гарадскім уладам не атрымалася вырашыць канфліктнай сітуацыі, якая склалася вакол парку. Намер працягнуць збор подпісаў таксама звязаны з тым фактам, што ўлады ў аднабаковым парадку спынілі дыялог з грамадскасцю.

Як гаворыцца ў тэксце петыціі “На наш погляд пяцізоркавы гасцінічны комплекс «Пекін» немагчыма будзе размясціць у межах парку такім чынам, каб захаваць як мага больш дрэваў. Улічваючы вялікія памеры комплексу і яго запланаваны ўзровень – пяць зорак, мы ўпэўнены ў тым, што будаўніцтва на тэрыторыі Парку ў любым выпадку прывядзе да яго адназначнага знішчэння. «Немагчымасць» пераносу гасцініцы «Пекін» тлумачыцца вылучна нежаданнем забудоўшчыка, кітайскай кампаніі BUCC, пайсці на кампраміс і разгледзець іншыя варыянты.

Мы не лічым, што наша краіна і наш народ дашлі да такога стану галечы, калі мы павінны не толькі проста кланяцца замежнаму інвестару, але і беспярэчна выконваць яго любыя патрабаванні. Гутарка з замежным інвестарам павінна весціся на роўных. А гэта значыць, што гэты інвестар не павінен ушчамляць правы нашых грамадзян, знішчаць унікальнае аблічча нашага горада ва ўгоду сваім камерцыйным інтарэсам”.

Падпісацца за парк у інтэрнеце можна тут.

Прэс служба Беларускай Партыі Зялёныя