Актыў БПЗ падтрымаў ініцыятыву арганізацыі Экадом накіраваць ў  пасольства Кітайскай Народнай Рэспублікі ліст пратэсту з нагоды будаўніцтва гасцініцы  "Пекін" у сталічным Парку імя 40-годдзя Кастрычніка. Публікуем фрагменты звароту.

 

Паважаны спадар пасол!

Мы, прадстаўнікі грамадскасці Беларусі, жадаем прыцягнуць Вашу ўвагу да сітуацыі, якая склалася вакол Парку імя 40-годдзя Кастрычніка ў сувязі з будаўніцтвам кітайскай кампаніяй BUCC гасцінічнага комплексу "Пекін".

На сённяшні дзень сітуацыя крытычная і ставіць пад пагрозу не толькі адносіны прадстаўнікоў нашых народаў, але і рэпутацыю кампаніі BUCC.

Кітайская будаўнічая кампанія BUCC прыняла рашэнне пра будаўніцтва свайго аб'екта ў дадзеным месцы, нягледзячы на шэраг альтэрнатыў, якія прапанаваліся ёй сталічным  ўладамі. Падчас выбару не быў улічаны шэраг акалічнасцяў, якія ствараюць сур'ёзную праблему, пра што Вы, таксама як і будаўнічая кампанія, магчыма, не былі ў поўнай меры інфармаваны

У выпадку будаўніцтва гасцінічнага комплексу "Пекін" Парк імя 40-годдзя Кастрычніка будзе знішчаны. Ужо ў лістападзе мінулага года было прынята рашэнне пра знішчэнне 174 дрэў у цэнтральнай частцы парку. Нават, калі гэта колькасць будзе ўдвая менш, архітэктура парку будзе парушана, знікне яго цэнтральная, найболей старая і прыгожая частка.

Акрамя таго, парк ужо не зможа выконваць сваёй ранейшай функцыі - быць месцам адпачынку, шпацыраў і заняткаў спортам мінчукоў, у тым ліку пажылых людзей і бацькоў з маленькімі дзецьмі, а таксама іншагародніх студэнтаў, якія пражываюць у інтэрнатах побач. Тэрыторыя гэтага парку занадта невялікая для таго, каб змесціць такі аб'ект, як гасцініца, не кажучы пра інфраструктуру.

Для горада і яго жыхароў - гэта беззваротная страта, злучаная з гераічнай гісторыяй беларускага народа, вызваленнем ад нямецка-фашысцкай акупацыі. Гэта месца каштоўнае для ўсіх беларусаў тым, што менавіта тут 16 ліпеня 1944 –га году прайшоў славуты парад партызанскіх войскаў пад камандаваннем генерала Черняхоўского, у якім прынялі ўдзел 30 000 партызан Беларусі і 20 000 мірных грамадзян. Пра гэты парад штогод у дзень вызвалення Беларусі пішуць дзяржаўныя газеты Беларусі "Вечерний Минск" і "Советская Белоруссия".

Мы лічым, што ў сучасных сталіцах павінна быць месца людзям розных нацыянальнасцяў і культур. Аднак мы таксама глыбока перакананы ў тым, што недапушчальна знішчаць гісторыю, культуру і прыроду нашага горада, якія знайшлі сваё ўвасабленне ў Парку 40-годдзі Кастрычніка і вельмі дарагія жыхарам Мінску.

Рашэнне пра будаўніцтва гасцініцы "Пекін" у Парку 40-годдзі Кастрычніка было прынята без уліку меркавання жыхароў раёна і гораду. Аднак менавіта гэты Парк з'яўляецца лёгкімі Мінска, месцам. Парк мае таксама вялікае значэнне для экалогіі ракі Свіслач, раслін і жывёл.

Гэта рашэнне парушае Орхускую канвенцыю, падпісантам якой з'яўляецца Беларусь, і ўплывае не толькі на рэпутацыю нашай краіны на міжнароднай арэне, але і на рэпутацыю кампаніі BUCC, і на імідж Вашай краіны ў вачах сусветнай супольнасці

Мы заклікаем Вас, як прадстаўнікоў Кітайскай Народнай Рэспублікі, з павагай ставіцца да нашага горада і яго жыхароў, праявіць добрую волю і выправіць непаразуменне, паспрыяўшы пераносу гасцінічнага комплексу "Пекін" у іншае месца.

Крыніца: Прэс-служба Беларускай Партыі “Зялёныя”