22 лістапада, Федэральны парламент Германіі па запросу партыі “Саюз 90/Зялёныя” на спецыяльным паседжанні разглядзеў праблему пагрозы правага экстрэмізму.

Нагадаем, што 4 лістапада пасля няўдалай спробы рабавання банка ў горадзе Айзенахе паліцыя знайшла абгарэлы трэйлер з двума целамі. Пазней следчыя выявілі кампакт-дыскі, на якіх загіблыя ў Айзенахе аб'яўлялі сябе групай нацысцкага падполля і паведамлялі пра 10 зробленых імі забойстваў. Увогуле ў Германіі з 1990 года налічваецца больш за 180 смяротных выпадкаў, здейсненых неанацыстамі і правымі экстрэмістамі.

На думку Зялёных, “Барацьба супраць правага экстрэмізму, гамафобіі і гвалту з праваэкстрэмісцкім ухiлам з'яўляецца задачай ўсяго грамадства. Пры гэтым патрэбны такія органы бяспекі, якія сапраўды працуюць і маюць рэалістычны погляд на сітуацыю”.

Эколагі прапануюць пачаць комплексную рэформу барацьбы з правымі ультра. У гэтай рэформе стаўка мае рабіцца не на сакрэтных інфарматараў спецлужбаў, а на грамадскія ініцыятывы.

“Ініцыятывы грамадзянскай супольнасці часта маюць лепшае разуменне і аналіз права-экстрэмісцкага асяродзя, чым ўлады. Гэтыя ініцыятывы, нарэшце, таксама павінны успрымацца органамі бяспекі як станоўчае дапаўненне, а іх праца і веды павінны быць з годнасцю ацэнены. Трэба разумець супраціўленне неа-нацысцкай ідэалогіі, як задачу ўсяго грамадства”, - лічаць Зялёныя. ..

У заяве партыі “Саюз 90/Зялёныя” таксама гаворыцца: “Прыйшоў час перайці ў атаку супраць правага экстрэмізму. Трывіализацыя і свецкія размовы павінны быць спынены”.

Крыніца: Прэс-служба Беларускай Партыі Зялёных