22 кастрычніка ў дзяржаўнай установе “Гісторыка-культурны музей-запаведнік Заслаўе” прайшла імпрэза пад назвай “Людзі на балоце”,  адным з арганізатараў якой была творчая супольнасць  Sun Technique.

Галоўна мэта мерапрыемства -  данесці да больш шырокага кола сучаснай моладзі мэсэдж аб неабходнасці пільнага і адказнага стаўлення да навакольнага асяродзя, у тым ліку беларускіх балотаў.

Як вядома у 2008 году Савет Міністраў прыняў дзяржаўную праграму, у адпаведнасці з якой да 2020 году здабыча торфу павінна ўзрасці да 5 мільёнаў тон. У выніку пад пагрозу зніiшчэння трапілі шматлікія тарфяныя радовішчы на запаведных прыродных тэрыторыях. Эколагі выступаюць супраць таго, каб замахвацца на “лёгкія Еўропы”, якімі служаць беларускія тарфяныя балоты.

На мерапрыемстве ў Заслаўі прысутнічалі і прадстаўнікі партыі “Зялёныя”, а менавіта прадстаўнікі яе моладзевага крыла.

Каментар сябра маладых Зялёных Яўгена Герасіменка: «Справа ў тым, што ва ў Еўропе, ці ў Паўночнай Амерыцы музычныя мерапрыемствы, што спалучаюць у сабе не толькі музыку але і пазітыўную прапаганду сацыяльна-экалагічных каштоўнасцей не рэдкасць. . У Беларусі  сітуацыя супрацьлеглая. Імпрэзы кшталту тых што ладзяць Sun Technique вялікая рэдкасць, бо іх галоўнай мэтай з'яўляюцца не прапагандысцкія паведамленні, а актыўная грамадзкая пазіцыя ў ва ўсіх напрамках».

Максім (адзін з арганізатараў):-Што датычыцца мэсэджу мерапрыемства, які закранае тэму праблематыкі балот, мы напэўна хацелі сказаць толькі слова - ДУМАЙ. Астатняе, гэта лішняе і цалкам прыватнае».

Крыніца: Прэс служба Беларускай Партыі Зялёныя