Услед за акцыяй «Захапі Уол-стрыт», што пачалася ў Нью-Йорку месяц таму, хваля вулічных пратэстаў пракацілася па ўсім свеце . Алег Новікаў, старшыня Беларускай Партыі “Зялёныя” падзяліўся з Радыё Рацыя сваімі меркаваннямі  наконт гэтых падзей.

Алег Новікаў: “Удзельнікі гэтых акцый пратэстуюць супраць улады і безадказнасці банкаў, беспрацоўя і сённяшняй фінансавай сістэмы, выступаюць за больш справядлівае размеркаване даходаў. Дыскусія пра крыніцу апошніх пратэстаў, а яна фактычна звязвае іх таксама з падзеямі ў Паўночнай Афрыцы, пачалася ўжо на пачатку гэтага года. На дадзены момант усе лічаць, што была створана вось гэта новая палітычная культура, у аснове якой ляжыць новая форма камунікацыі. Гэта – інтэрнэт, які дазваляе ствараць нейкія суполкі аднадумцаў. Гэтыя суполкі могуць вылучаць нейкія палітычныя лозунгі. І гэтыя суполкі могуць калектыўна дзейнічаць у абарону гэтых лозунгаў. Патрабаваць не толькі праз інтэрнэт, праз слова, але і праз нейкі практычны рух”.

Алег Новікаў лічыць, што “Беларусь у гэтым плане не знаходзіцца на перыферыі вулічных пратэстаў, што ахапілі многія краіны свету. Па яго словах, аб гэтым яскрава сведчаць "маўклівыя" акцыі пратэсту, што прайшлі ўлетку ў Беларусі і з'яўленне якіх ніхто не мог спрагназаваць”.

Цалкам інтэрв’ю Алега Новікава можна можна ў эфіры Радыё Рацыя ( глядзі графік праграм на www. new.racyja.com)

Па матэрыялах Радыё Рацыя